Tiranë – 8 prill 2026 – Samsung Electronics njoftoi sot se 34 modele nga linja e tij e televizorëve dhe soundbar-eve për vitin 2026 kanë marrë certifikatat “Product Carbon Reduction” dhe “Product Carbon Footprint” nga TÜV Rheinland, një organizatë certifikimi e njohur ndërkombëtarisht me seli në Gjermani. Këto arritje pasqyron përpjekjet e vazhdueshme të Samsung për të ulur emetimet e karbonit në të gjithë linjën e tij premium të produkteve.

“Si lider global në ekranet dhe audio premium, Samsung e sheh qëndrueshmërinë si një pjesë thelbësore të inovacionit,” tha Taeyong Son, Zëvendës President Ekzekutiv i Biznesit të Ekraneve Vizuale (VD) në Samsung Electronics. “Ne mbetemi të përkushtuar ndaj uljes së emetimeve të karbonit në të gjitha produktet tona, në mënyrë që konsumatorët të mos kenë nevojë të zgjedhin midis teknologjisë më të avancuar dhe një përvoje më të përgjegjshme të produktit.”

Samsung është vlerësuar me certifikatën Product Carbon Reduction për 14 modele premium të ekranit dhe audio, përfshirë televizorët OLED të 2026, The Frame Pro dhe soundbar-in kryesor HW-Q990H¹. Gjithashtu, një total tjetër prej 20 produktesh, përfshirë televizorët Micro RGB dhe Mini LED, kanë fituar certifikatën Product Carbon Footprint².

TÜV Rheinland vlerëson me certifikatën Product Carbon Footprint për produktet që përmbushin standardet ndërkombëtare për vlerësimin e emetimeve të gazrave serrë gjatë gjithë ciklit të jetës së produktit, duke përfshirë prodhimin, transportin, përdorimin dhe eliminimin.

Nga ana tjetër, certifikata Product Carbon Reduction jepet për produktet që tashmë kanë marrë certifikatën Product Carbon Footprint dhe që tregojnë një ulje të matshme të emetimeve të karbonit krahasuar me parardhësit e tyre. Vlen të theksohet se HW-Q990H ka fituar të dyja certifikatat, duke zgjeruar përpjekjet e Samsung për qëndrueshmëri përtej televizorëve.

Në vitin 2021, Neo QLED i Samsung u bë televizioni i parë me rezolucion 4K ose më të lartë që mori certifikatën Product Carbon Reduction. Gjatë gjashtë viteve të fundit, kompania ka vazhduar të zgjerojë portofolin e saj të produkteve të certifikuara përfshirë QLED, OLED, televizorë Lifestyle, monitorë dhe signage.

Këto përpjekje reflektojnë gjithashtu udhëheqjen më të gjerë të Samsung në kategoritë premium të ekranit dhe audio, ku kompania ka dominuar tregun global të televizorëve për 20 vjet³ dhe ka mbetur marka numër 1 e soundbar-eve në botë për 12 vjet⁴.

Për më shumë informacion për linjën e televizorëve Samsung për vitin 2026, vizitoni www.samsung.com.

Rreth Samsung Electronics

Samsung frymëzon botën dhe formëson të ardhmen përmes ideve dhe teknologjive transformuese. Kompania po rishkruan kufijtë e botës së televizorëve, sinjalistikës digjitale, smartfonëve, pajisjeve të veshshme, tabletëve, pajisjeve shtëpiake dhe sistemeve të rrjetit, si dhe në fushat e memories, sistemit LSI dhe prodhimit të çipeve (foundry). Samsung po avancon gjithashtu teknologjitë e imazherisë mjekësore, zgjidhjet HVAC dhe robotikën, ndërsa krijon produkte novatore në industrinë automobilistike dhe atë të audios përmes Harman. Me ekosistemin SmartThings, bashkëpunimet e hapura me partnerët dhe integrimin e inteligjencës artificiale në të gjithë portofolin e tij, Samsung ofron një përvojë të lidhur, inteligjente dhe intuitive. Për risitë më të fundit, vizitoni Samsung Newsroom në news.samsung.com.