Udhëzuesi bazë për produktin

Energjia
• Mos i mbingarkoni prizat në mur, kabllot zgjatuese apo përshtatësit përtej normës dhe kapacitetit të tensionit të tyre. Kjo mund të shkaktojë zjarr ose goditjeje elektrike.
Referojuni seksionit të specifikimeve të energjisë në manual ose etiketës së furnizimit me energji në produkt për informacione mbi tensionin dhe korrentin.
• Kordonët elektrikë duhet të vendosen në mënyrë që të mos shkelen apo kapen nga objekte që vendosen mbi to. Kushtojuni vëmendje të posaçme skajeve të kordonëve, në priza dhe në pjesët ku dalin nga pajisja.
• Mos futni asgjë metalike në hapësirat e pajisjes. Kjo mund të shkaktojë goditjeje elektrike.
• Për të shmangur goditjet elektrike, mos prekni asnjëherë pjesët e brendshme të pajisjes. Pajisja duhet të hapet vetëm nga tekniku i kualifikuar.
• Sigurohuni ta shtyni spinën në prizë derisa të puthitet mirë. Kur ta hiqni kordonin elektrik nga priza, tërhiqeni gjithnjë nga spina. Mos e hiqni kurrë duke e tërhequr nga kordoni. Mos e prekni kordonin elektrik me duar të lagura.
• Nëse pajisja nuk funksionon normalisht - sidomos nëse lëshon zhurmë ose aromë të pazakontë - hiqeni menjëherë nga priza dhe kontaktoni shitësin ose qendrën e autorizuar të shërbimit "Samsung".

• Për ta mbrojtur pajisjen nga rrufetë ose kur lihet pa u mbikëqyrur dhe pa u përdorur për një kohë të gjatë, sigurohuni ta hiqni nga priza dhe ta shkëputni nga antena ose sistemi kabllor.
‒ Grumbullimi i pluhurit mund të shkaktojë goditje elektrike, shkarkim elektrik ose zjarr duke bërë që kordoni të lëshojë shkëndija dhe nxehtësi, ose t'i prishet veshja izoluese.
• Përdorni vetëm spina dhe priza të tokëzuara siç duhet.
‒ Tokëzimi i papërshtatshëm mund të shkaktojë goditje elektrike ose dëmtim
të pajisjes. (Vetëm pajisje të kategorisë I.)
• Për ta fikur tërësisht këtë pajisje, shkëputeni nga priza. Për t'u siguruar se mund ta shkëputni shpejt aparaturën nëse e shikoni të nevojshme, sigurohuni që spina dhe priza të jenë në pozicion praktik.

Instalimi
• Mos e vendosni asnjëherë pajisjen pranë kaloriferit ose mbi të, ose mbi kanale ajrimi, ose në vende ku mund të ekspozohet ndaj rrezeve të diellit.
• Mos vendosni enë me ujë (vazo etj.) mbi pajisje, pasi mund të shkaktohet zjarr
ose goditje elektrike.
• Mos e ekspozoni pajisjen ndaj shiut apo lagështirës.
• Sigurohuni të kontaktoni qendrën e autorizuar të informacionit "Samsung" nëse synoni ta instaloni MICRO LED në një vend me shumë pluhur, me temperatura të larta ose të ulëta, me shumë lagështi, me substanca kimike ose diku ku do të punojë 24 orë rresht, si p.sh. në aeroport, stacion treni etj. Përndryshe, MICRO LED mund të dëmtohet rëndë.
• Mos e ekspozoni pajisjen ndaj pikimit ose spërkatjes.
• Ky MICRO LED është një produkt konsumi i projektuar për instalim vetëm në "Ambient shtëpie". Çdo instalim tjetër i ndryshëm nga një "Ambient shtëpie", si p.sh.: Në anije private (duke përfshirë një jaht) ose avion privat apo ambient i hapur mund ta shfuqizojë garancinë.

Instalimi për montim në mur
• Referojuni udhëzuesit të instalimit për montim në mur për detaje mbi montimin në mur.
• Mund të instaloni bazamentin për mur "VESA". Megjithatë, rekomandohet të
përdorni një bazament muri që ofrohet si i parazgjedhur.
• Kur instaloni bazamentin për mur "VESA", rekomandohet që fillimisht të shtrëngoni të katër vidat "VESA".

Montimi i MICRO LED në mur

Konfigurimi fillestar
Herën e parë që ndizni MICRO LED, fillon menjëherë konfigurimi fillestar. Ndiqni udhëzimet e shfaqura në ekran dhe konfiguroni cilësimet bazë të MICRO LED për t'iu përshtatur mjedisit tuaj të shikimit.
• Do t'ju duhet një llogari Samsung për të hyrë në shërbimet tona inteligjente të bazuara në ueb. Nëse zgjidhni të mos identifikoheni, ai do të ketë lidhje vetëm me televizorin tokësor (i zbatueshëm për pajisjet që kanë vetëm marrës) dhe pajisjet e jashtme, p.sh. nëpërmjet një kabllo HDMI.

Përdorimi i Pulti i MICRO LED
MICRO LED mund ta ndizni me butonin Pulti i MICRO LED në pjesën e poshtme të MICRO LED dhe më pas përdorni Menyja e komandimit. Menyja e komandimit shfaqet kur shtypet butoni Pulti i MICRO LED ndërkohë që MICRO LED është ndezur.

Zgjidhja e problemeve
Për më tepër informacion, referojuni "Zgjidhja e problemeve" te Udhëzuesin e përdoruesit.
Nëse asnjëra nga këshillat e sugjeruara nuk e zgjidh problemin, vizitoni "www.samsung.com" dhe klikoni "Mbështetja teknike" ose kontaktoni qendrën e shërbimit Samsung.
• Për shkak të kufizimeve teknike gjatë procesit të prodhimit, disa piksela të panelit mund të shfaqen më të errëta ose më të ndritshme ose mund të pulsojnë. Megjithatë, kjo nuk ndikon në performancën e produktit.
• Për shkak të moduleve të shumta të produktit, një motiv rrjete mund të shfaqet nga një distancë e afërt. Ky nuk është defekt i produktit.
• Për ta mbajtur MICRO LED në gjendje optimale, përmirësoni në softuerin më të ri. Përdorni funksionet Përditëso tani ose Përditësimi automat. në menynë e MICRO LED.

a. MICRO LED nuk ndizet.
• Sigurohuni që kordoni elektrik të jetë futur siç duhet në MICRO LED, aparatin One Connect dhe prizën në mur.
• Sigurohuni që priza është funksionale dhe sensori i telekomandës në pjesën e poshtme të MICRO LED është i ndezur në të kuqe të fortë.
• Provoni të shtypni butonin Pulti i MICRO LED në pjesën e poshtme të MICRO LED për t'u siguruar që problemi nuk qëndron tek telekomanda. Nëse MICRO LED ndizet, referojuni "Telekomanda nuk punon".

b. b. Telekomanda nuk punon.
• Kontrolloni nëse sensori i telekomandës në pjesën e poshtme të MICRO LED
pulson kur shtypni butonin e ndezjes/fikjes në telekomandë.
‒ Kur bateria e telekomandës shkarkohet, ngarkojeni baterinë duke përdorur folenë e ngarkimit USB (tipi C), ose kthejeni përmbys telekomandën për ta ekspozuar pilën diellore ndaj dritës.
• Provoni të drejtoni telekomandën drejtpërdrejt në MICRO LED në largësi 1,5-1,8
m.
• Nëse MICRO LED vjen me Telekomanda inteligjente "Samsung" (telekomandë me Bluetooth ), sigurohuni që ta çiftoni me MICRO LED. Për të çiftuar një Telekomanda inteligjente "Samsung", shtypni butonat Kthehu dhe Luaj/Ndalo në të njëjtën kohë për 3 sekonda.

Sensori i kursimit dhe ndriçimi i ekranit
Sensori eko rregullon automatikisht ndriçimin e MICRO LED. Ky funksion mat dritën në dhomën tuaj dhe optimizon automatikisht ndriçimin e MICRO LED për të reduktuar konsumin e energjisë.
• Sensori eko ndodhet në pjesën e poshtme të MICRO LED. Mos e bllokoni sensorin me objekte. Kjo mund të ulë ndriçimin e figurës.

Shënime
• Kjo pajisje është një aparat digjital i Klasit B.
• Për informacione rreth furnizuesit të energjisë dhe për konsumin e energjisë, shihni informacionin në etiketën e bashkëngjitur me produktin.
‒ Në shumicën e modeleve, etiketa është e ngjitur në pjesën e pasme të MICRO
LED.
‒ Në modelet e aparatit One Connect, etiketa është e ngjitur në pjesën e poshtme të aparatit One Connect.
• Konsumi i zakonshëm i energjisë matet sipas IEC 62087.
• Për të lidhur kabullin LAN, përdorni kabllo të kategorisë CAT 7 (lloji STP*) për lidhjen. (100/10 Mbps)
* Shielded Twisted Pair
• Kabllot e ofruara mund të ndryshojnë në varësi të shtetit. Sigurohuni të përdorni kordonin elektrik të përshtatshëm për rajonin tuaj.
• Ngjyrat dhe format e artikujve mund të ndryshojnë në varësi të modeleve.
• Kabllot e papërfshira mund të blihen veçmas.
• Kontrolloni për aksesorë të fshehur prapa ose brenda materialeve të paketimit gjatë hapjes së kutisë.
• Shifrat dhe ilustrimet në këtë manual përdorimi jepen vetëm për referencë dhe mund të ndryshojnë nga pamja e produktit aktual. Modeli i produktit dhe specifikimet mund të ndryshohen pa njoftuar.

Vizitoni www.samsung.com/support për më shumë informacion në lidhje me përshtatësit e jashtëm të energjisë dhe telekomandave të lidhura me direktivën e dizajnit ekologjik të BE-së - rregullorja "Për produktet që lidhen me energjinë (ErP)".
Në situatat e mëposhtme mund të ketë tarifë administrimi:
(a) Thirret një teknik sipas kërkesës, por rezulton që produkti nuk ka defekt (p.sh. nëse nuk është lexuar manuali i përdorimit).
(a) E sillni njësinë në pikën e servisit të "Samsung", por rezulton që produkti nuk ka defekt (p.sh. nëse nuk është lexuar manuali i përdorimit).
Do të informoheni për tarifën e administrimit përpara kontrollit nga tekniku.
Pas riparimit nga një servis jo I autorizuar, apo vetë-riparim ose riparim jo- profesional i produktit, Samsung nuk është përgjegjës për ndonjë dëmtim të produktit, ndonjë dëmtim ose ndonjë çështje tjetër të sigurisë së produktit të shkaktuar nga ndonjë përpjekje për të riparuar produktin i cili nuk i ndjek me kujdes këto udhëzime të riparimit dhe mirëmbajtjes. Dëmtim i produktit i
shkaktuar nga një përpjekje për të riparuar produktin nga ndonjë person tjetër përveç Servisit të certifikuar nga Samsung nuk do të mbulohet nga garancia.

Ulja e konsumit të energjisë
Kur të fikni MICRO LED, ai hyn në modalitet pritjeje. Në modalitetin e pritjes, ai vijon të tërheqë një sasi të vogël energjie. Për të ulur konsumin e energjisë, hiqni MICRO LED nga priza kur nuk synoni ta përdorni për një kohë të gjatë.

Kjo shenjë mbi produkt, aksesorë ose dokumentacionin shoqërues tregon se produkti dhe aksesorët e tij elektronikë (p.sh. ngarkuesi, kufjet, kablloja USB), pasi të kenë mbaruar funksionin e tyre, nuk duhen hedhur bashkë me mbeturinat e tjera të shtëpisë. Për të parandaluar dëmtimet e mundshme të mjedisit ose të shëndetit njerëzor nga hedhja e pakontrolluar e mbeturinave, ndajini këta artikuj nga llojet e tjera të mbeturinave dhe riciklojini në mënyrë të përgjegjshme për të nxitur ripërdorimin e qëndrueshëm të burimeve materiale.
Për hollësi se ku dhe si mund t'i dërgojnë këto pajisje për riciklim të sigurt mjedisor, përdoruesit shtëpiakë duhet të kontaktojnë me shitësin e pakicës ku kanë blerë produktin ose me autoritetin vendor.
Përdoruesit e kompanive duhet të kontaktojnë furnizuesin e tyre dhe të kontrollojnë kushtet e kontratës së blerjes. Ky produkt dhe aksesorët e tij elektronikë nuk duhet të përzihen me mbeturina të tjera tregtare gjatë hedhjes.

Heqja e baterisë
• Për të hequr baterinë, kontaktoni një qendër shërbimi të autorizuar. Për të marrë udhëzimet për heqjen e baterisë, ju lutem vizitoni www.samsung.com/global/ecodesign_energy.
• Për sigurinë tuaj, nuk duhet të provoni ta hiqni baterinë. Nëse bateria nuk hiqet si duhet, mund të çojë në dëmtime të baterisë dhe pajisjes duke shkaktuar dëmtime dhe/ose të bëjë që pajisja të mos jetë më e sigurt.

‒ Për bateritë e integruara

Ky shënim mbi bateri, manual ose paketim tregon që bateria në këtë produkt
nuk duhet të hidhet bashkë me mbeturinat e tjera të shtëpisë. Aty ku shënohen, simbolet kimike Hg, Cd ose Pb tregojnë se bateria përmban merkur, kadmium ose plumb mbi nivelet e referencës në Direktivën 2006/66 të KE-së.
Bateria e integruar në këtë produkt nuk duhet të ndërrohet nga përdoruesi. Për informacion në lidhje me ndërrimin e saj, kontaktoni ofruesin tuaj të shërbimit. Mos u përpiqni ta hiqni baterinë apo ta hidhni në zjarr. Mos e çmontoni, thërrmoni apo shponi baterinë. Nëse synoni ta hidhni produktin, në impiantin e grumbullimit së mbetjeve do të merren masat e duhura për riciklimin dhe trajtimin e produktit, duke përfshirë baterinë.