Si të rregulloni televizorin Samsung kur fiket vetë vazhdimisht

Nëse televizori ju fiket vetë, ka disa shkaqe të mundshme. Arsyet më të zakonshme të fikjes së televizorit vetvetiu kanë të bëjnë me cilësimet e televizorit dhe me pajisjet e jashtme të lidhura me televizorin.

Shkëputeni televizorin për 30 sekonda nga rrjeti elektrik dhe pastaj spinën futeni në një prizë për të cilën e dini se funksionon. Kjo metodë quhet “rivendosje e lehtë në pozicion nistor” dhe normalisht e rikalibron televizorin.

Cilësimet e ekonomike

Funksioni i zgjidhjes ekonomike e fik televizorin për të kursyer energji kur nuk merr komanda për një kohë të gjatë.

(Settings (Cilësimet) -> General (Të përgjithshme) -> Eco Solution (Zgjidhja ekonomike) -> Auto Power Off (Vetëfikje) -> përzgjidhni Off (çaktivizo))

Cilësimet e relesë kohore të fikjes

Releja kohore e fik televizorin pas një periudhe të paracaktuar kohore.

(Settings (Cilësime) -> General (Të përgjithshme) -> System Manager (Administrimi i sistemit) -> Time (Ora) -> Sleep Timer (Releja kohore e fikjes) -> përzgjidhni Off (Çaktivizo))

Përditësimi i softuerit

Mbajeni të përditësuar softuerin e televizorit.

(Settings (Cilësime) -> Support (Mbështetja) -> Software Update (Përditësimi i softuerit) -> Update Now (Përditëso tani))

• Nëse me televizorin janë lidhur pajisje të jashtme, si pajisje loje, kompjuter etj., shkëputini nga rrjeti elektrik këto pajisje të jashtme dhe rilidhini përsëri me rrjetin elektrik. Ekrani i televizorit mund të humbasë figurën nëse fiket pajisja burimore me të cilën ishte i lidhur televizori.

• Kur nuk ka pajisje të lidhura me televizorin, si burim përcaktoni televizorin. (Settings (Cilësime) -> Source (Burimi) -> TV)

• Përdorni një kabllo HDMI të certifikuar. Nëse përdorni një kabllo HDMI jo të certifikuar, ekrani mund të humbasë figurën ose mund të ndodhë avari me lidhjen.