One UI
Galaxy yt.
Ashtu siç di ti
One UI 8.5 i ri mund të bëjë shumë më shumë, që nga marrja përsipër e detyrave të vështira te sugjerimi i gjërave që më duhen në atë moment deri te përshtatja me shijet e mia personale dhe zakonet e përdorimit. Me AI të integruar më thellë në sistem, tani ke lirinë të jesh më produktiv dhe krijues. Përjeto inteligjencën praktike të Galaxy që të fuqizon të shikosh më shumë, të krijosh më shumë dhe të kuptosh më shumë.1
Galaxy AI
Modifikime si në studio.
E integruar
Përmirëso fotografitë e tua në çast me Galaxy AI. Përmes kërkesave të thjeshta ose duke përdorur një imazh reference, mund të ndryshosh atmosferën, të shtosh aksesorë dhe të fshish objekte në sfond. Çliro imagjinatën dhe kthe vizionin në realitet duke i thënë Galaxy AI saktësisht atë që do.2
Now Nudge
Sugjerime në kohë reale kur të kesh nevojë
Now Nudge i ri njeh kontekstin. Kur u shkruan miqve të tu mesazhe me tekst duke folur për të dalë për darkë javën tjetër ose për të bërë një udhëtim në fundjavë, Now Nudge merr parasysh atë që është shfaqur në ekran për të ofruar informacion të dobishëm ose për të sugjeruar hapin e radhës. Me Now Nudge, gjithçka që duhet të bësh është të prekësh për të planifikuar takime, për të nxjerrë fotografi të vjetra dhe më shumë, në moment.3
Now Brief
Dita jote e thjeshtuar
Merr ndihmë personale gjatë gjithë ditës me Now Brief. Now Brief i përmirësuar ofron më shumë përditësime të personalizuara, duke të përmbledhur informacionin në lidhje me interesat e tua ose situatën aktuale. Ai gjithashtu të rikujton ngjarjet e rëndësishme në të ardhmen me njoftime me mesazhe dhe të sugjeron veprimet përkatëse.4
Bixby
Ndihmë inteligjente, gjithmonë e disponueshme
Zbulo potencialin e plotë të pajisjes sate duke përdorur gjuhë natyrale. Mëso se si të përdorësh veçoritë, të personalizosh cilësimet e tua dhe të marrësh përgjigje në kohë reale për lajmet, lojërat sportive, vendet lokale dhe më shumë. Dhe sepse Bixby nuk harron kontekstin, mund të vazhdosh aty ku e ke lënë. Bëj më shumë gjëra dhe mëso më shumë gjëra. Thjesht pyet Bixby.5,7
UI e një niveli më të lartë
Një ekran. UI e pafundme
Zbulo versionin më të personalizuar të One UI. Bëhu krijues në ekranin kryesor dhe ekranin e kyçjes, tani me më shumë liri për të përmirësuar gjërat sipas pëlqimit tënd. Plotëso ekranin kryesor duke vendosur ikonat e aplikacioneve, shkurtoret, skedarët dhe widgets në madhësi të ndryshme në pozicionin që ju duket më natyral. Stilo ekranin e kyçjes me një orë dhe widgets të tjera. Ndrysho modelin dhe ngjyrën e orës, ose lërja One UI ta rregullojë automatikisht orën për ty me veçorinë Zgjero orën.
Dizajn që përcjell ndjesi
Ndërfaqe e thjeshtë dhe gjithëpërfshirëse
Softueri One UI 8.5 është më shumë se sa thjesht inteligjent, është gjithashtu estetikisht i këndshëm. Shiritat e statusit dhe shiriti i navigimit kombinohen më mirë në ekran për një pamje elegante. Teksa rrëshqet poshtë, komponentët si shiriti në pjesën e sipërme të ekranit të aplikacionit dhe butonat e navigimit në fund të tij zhduken, duke ofruar një pamje më të gjerë të ekranit me më pak shpërqendrime. Gjërat janë bërë më inteligjente me një dizajn të thjeshtë praktik.
Përdorshmëri e përmirësuar
Përjeto navigim të shpejtë
Me One UI të përmirësuar, përdorimi i veçorive dhe lëvizja mes aplikacioneve është më e rrjedhshme se asnjëherë më parë. Butonat, menytë dhe shiritat intuitivë janë në ekran për të të ndihmuar të gjesh atë që të duhet më shpejt ose që të bësh hapin e radhës pa u lodhur.
Paneli i shpejtë i personalizuar
Konfiguroje sipas mënyrës tënde
Me One UI 8.5, ke më shumë mënyra për të personalizuar Panelin e shpejtë. Tani mund të shtosh, fshish, lëvizësh dhe ndryshosh madhësinë e artikujve. Personalizo Panelin e shpejtë për ta përdorur Galaxy tënd në mënyrë sa më efikase të jetë e mundur.
Sfondi i optimizuar
Shtoji prekjet e fundit sfondit tënd
Ktheje sfondin tënd nga të bukur në të mrekullueshëm me One UI 8.5. Kur konfiguron ekranin e kyçjes, imazhi pozicionohet automatikisht në mënyrë që pjesa e rëndësishme të mos mbivendoset me orën ose widgets e tjera. Mund edhe ta tërheqësh imazhin poshtë, pjesa e sipërme do të mbushet në mënyrë të natyrshme duke e bërë sfondin të duket më i këndshëm.
Privatësia dhe siguria
Ekrani i privatësisë
Ekrani i parë i privatësisë në botë në një celular
Bllokoje ekranin që të mos shihet nga të tjerët. Konfiguro me lehtësi ekranin e privatësisë për të zgjedhur aplikacionet që dëshiron të maskosh ndërsa je duke i përdorur, si p.sh. aplikacionet bankare ose të resë kompjuterike. Gjithashtu mund të zgjedhësh ta mbash ekranin privat ndërsa shkruan fjalëkalimet ose kur shfaqen njoftime delikate me mesazh. Aktivizoje dhe çaktivizoje veçorinë kur dëshiron të ruhesh nga sytë kureshtarë.6,7
Sinjalizimet e privatësisë
Mbaji gjërat e tua private
Është normale që të shqetësohesh se mos informacionet e tua private nuk janë më dhe aq private. Sinjalizimet e privatësisë përdorin të mësuarit automatik për të gjetur aplikacionet që duket se mbipërdorin vendndodhjen tënde të saktë, duke të të paralajmëruar për rreziqet e sigurisë. Gjithashtu, kjo veçori monitoron përdorimin e informacionit personal për të zbuluar rreziqe të mundshme dhe sugjeron minimizimin e llojeve të të dhënave delikate që aplikacionet aksesojnë.
Mbrojtja nga faqet e internetit keqdashëse
Qëndro i sigurt nga kërcënimet kibernetike
Edhe nëse ke klikuar një link të gabuar, do të njoftohesh në kohë. Kur akseson një faqe interneti keqdashëse përmes shfletuesit të internetit Samsung, një model i mbështetur në të mësuarit automatik do të të sinjalizojë me një paralajmërim që faqja që do të hapësh mund të jetë e rrezikshme. Mbrohu nga shkeljet e sigurisë në internet.8
Privatësi si parazgjedhje. Mbrojtur nga Knox
Jemi të angazhuar që të mbrojmë informacionin tënd, duke ofruar transparencë për mënyrën se si përdoren dhe ndahen.
Mbrojtja në pajisje
Motori ynë i të dhënave personale mbledh dhe përpunon të dhënat e tua personale në mënyrë të sigurt. Më pas, ai i enkripton këto të dhëna dhe i ruan në pajisjen tënde me KEEP dhe Knox Vault, duke e vështirësuar edhe më tej aksesimin nga të tjerët.9,10
Kontrolle të personalizuara
Merr kontrollin mbi Galaxy AI tënd. Ti vendos se ku do të përpunohen, në pajisje ose në renë kompjuterike.
Siguria e lidhur
Teknologjia Knox Matrix Trust Chain ofron siguri në të gjitha pajisjet e lidhura Galaxy në mënyrë që të monitorosh sigurinë e pajisjeve të tjera drejtpërdrejt nga smartfoni yt Galaxy.
Pyetjet e shpeshta
-
Cilat janë risitë e One UI 8.5?One UI 8.5 vjen me veçori AI të përmirësuara së fundi, një dizajn të përditësuar dhe zgjidhje sigurie dhe privatësie të avancuara. Së bashku, ato të ndihmojnë të mbyllësh punët në mënyrë më efikase, të kesh një përvojë më të rrjedhshme dhe konsistente dhe të mbrosh më mirë të dhënat e tua private në pajisjet e tua Galaxy.
• Veçoritë AI : prezanton Photo Assist të përmirësuar për modifikimin më inteligjent të fotografive, si edhe veçori të tjera si Now Nudge për një përvojë AI më të rafinuar. Eksploro më shumë veçori AI që e bëjnë jetën tënde më inteligjente dhe më të lehtë në One UI 8.5.
• Dizajni: ofron një pamje më të gjerë të ekranit dhe një përvojë përdoruesi më të rrjedhshme me shirita navigimi dhe meny me dizajn të ri.
• Privatësia dhe siguria: ofron mbrojtje të fortë të privatësisë me Samsung Knox, një zgjidhje sigurie të mbështetur në harduer, dhe e mban informacionin tënd personal të sigurt me Ekranin e privatësisë dhe Sinjalizimet e privatësisë.
-
Çfarë është One UI?One UI është softueri novator i Samsung, i projektuar për një përvojë përdoruesi intuitive dhe të lidhur në pajisjet e tua Galaxy. Me Galaxy AI thellësisht të integruar, One UI 8.5 të ndihmon ta përballosh ditën më shpejt dhe me më pak mundim duke të të ofruar asistencë të menjëhershme.
• One UI 8.5 i përditësuar, tani kupton zakonet e tua të përdorimit dhe nevojat e tua, duke ofruar një përvojë më të personalizuar dhe të volitshme.
• Me veçori AI të avancuara si Now Nudge, mund të aksesosh lehtësisht shkurtoret për veprimin e mundshëm të radhës pa qenë nevoja të kalosh mes aplikacioneve.
• Agjenti AI ta lehtëson punën me detyrat e tua të lodhshme, duke të të ndihmuar t'i mbarosh gjërat më shpejt. Thjesht prek ose shkruaj një kërkesë të shkurtër për të marrë atë që të duhet.
• Me One UI 8.5 në pajisjen tënde, mund të rregullosh lehtësisht sfondin për një pamje më të pastër dhe të aksesosh shpejt aplikacionet e tua më të përdorura duke personalizuar Panelin e shpejtë. -
Cilat lloje të pajisjeve Galaxy janë të përputhshme me One UI 8.5?One UI 8.5 do të prezantohet për herë të parë me Galaxy S26, Galaxy S26+ dhe Galaxy S26 Ultra. Përditësimi i One UI 8.5 do të mbështetet nga më shumë pajisje Galaxy teksa vazhdon prezantimi i tij.
Shënim: Disponueshmëria e veçorive AI mund të variojë sipas modelit të pajisjes.
Mund të shkarkosh aplikacionin Samsung Members për të kontrolluar cilat pajisje janë të përputhshme me One UI 8.5.
-
Si do ta kuptoj kur të publikohen përditësime të One UI?Mund të shkarkosh aplikacionin Samsung Members për të kontrolluar datën e publikimit.
-
Si mund ta përditësoj One UI?Për të përditësuar One UI, shko te Cilësimet > Përditësimi i softuerit > Shkarko dhe instalo, më pas prek "Kontrollo për përditësime".
Shënim: Përditësimi disponohet vetëm për pajisjet e mbështetura me versionin më të fundit të One UI. -
Çfarë mund të personalizoj në smartfonët Galaxy me One UI 8.5?Me One UI 8.5, mund ta bësh pajisjen vërtet tënden duke personalizuar Panelin e shpejtë, ekranin kryesor dhe ekranin e kyçjes. Shijo akses më të lehtë për kontrollet e përditshme me një pamje më të balancuar.
• Paneli i shpejtë: Personalizo Panelin e shpejtë duke shtuar ose fshirë artikuj për të aksesuar shpejt aplikacionet e tua të preferuara. Gjithashtu mund të ndryshosh madhësinë dhe vendosjen e shiritave të ndriçimit dhe zërit për të optimizuar përvojën tënde të shikimit.
• Ekrani kryesor dhe ekrani i kyçjes: Kur vendos sfondin, imazhi ripozicionohet automatikisht për të përkuar më mirë me aplikacionet dhe widgets kryesore në ekranin tënd, duke ofruar një paraqitje të pastër. -
Cilat janë veçoritë kryesore AI të disponueshme në One UI 8.5?One UI 8.5 prezanton veçoritë e përmirësuara të Galaxy AI të dizajnuara për të thjeshtuar ditën tënde. Eksploro veçoritë AI që i përshtaten nevojave të tua dhe përdori në momentet kur kanë më shumë rëndësi.
• Photo Assist: të ndihmon të modifikosh fotografitë e tua në mënyrë më inteligjente dhe më të shpejtë. Thjesht përshkruaj gjërat që do me një gjuhë natyrale dhe Galaxy AI i bënë modifikime inteligjente fotografive të tua duke shtuar objekte, duke hequr shpërqendrimet nga sfondi dhe duke rregulluar humorin e përgjithshëm.
• Now Nudge: ofron sugjerime të dobishme duke përdorur njohjen në ekran në kohë reale dhe të dhënat e tua të personalizuara. Pavarësisht se për çfarë po flet, ai lexon ekranin tënd dhe ofron informacionet përkatëse ose sugjeron hapin e radhës.
Shënim: Disponueshmëria e veçorive AI mund të ndryshojë sipas modelit të pajisjes, gjuhës ose rajonit. Veçoritë shtesë të AI disponohen në One UI 8.5 përveç atyre të listuara më sipër.
-
Si mund të aksesoj çdo veçori AI?Veçoritë e Galaxy AI aksesohen lehtë me vetëm një prekje ose duke ndërmarrë hapa të thjeshtë. Me akses të thjeshtë, mund të përdorësh pa problem veçoritë sa herë që të duhen.
• Photo Assist: Hap aplikacionin Gallery në pajisjen tënde dhe zgjidh fotografinë që dëshiron të modifikosh. Më pas, prek ikonën e Photo Assist.
• Now Nudge: Pasi ta aktivizosh te menyja e cilësimeve, Now Nudge do të jetë gati për të të ndihmuar sapo të hapësh aplikacionin Messenger.
Shënim: Disponueshmëria e veçorive AI mund të ndryshojë sipas modelit të pajisjes, gjuhës ose rajonit. -
Si i mban Motori i të dhënave personale (PDE) të sigurta të dhënat e mia personale?PDE (Motori i të dhënave personale) përdor KEEP (Mbrojtja e enkriptuar e përmirësuar nga Knox) për të ruajtur të dhënat delikate në një hapësirë ruajtëse të enkriptuar e të sigurt, duke mbrojtur informacionin tënd personal nga aksesi i paautorizuar. PDE gjithashtu i mban të dhënat e tua të sigurta duke minimizuar ndarjen e të dhënave ndërkohë që ofron përvoja AI të dobishme.
-
Cilat janë zgjidhjet e disponueshme për privatësinë dhe sigurinë?Knox Vault është një zgjidhje sigurie e mbështetur në harduer që mbron pajisjen tënde nga sulmet softuerike dhe harduerike duke mbrojtur dhënat delikate, përfshirë PIN-et, fjalëkalimet dhe të dhënat biometrike në një hapësirë të izoluar dhe sigurt.
• Sulmet softuerike: Përpjekjet e paautorizuara për të aksesuar dhe vjedhur të dhënat duke shfrytëzuar pikat e dobëta të softuerit në një pajisje.
• Sulmet harduerike: Përpjekjet për të marrë të dhëna përmes aksesit fizik, si çmontimi i pajisjes, ekspozimi ndaj temperaturave ekstreme të larta ose të ulëta, shkëputja e qëllimshme e furnizimit me energji ose sulmet nga kanalet anësore.
• Funksionet dhe/ose përmbajtja e disponueshme mund të variojnë sipas modelit të pajisjes, shtetit/rajonit dhe operatorit celular.
• Imazh i simuluar për qëllime ilustruese. Sekuencat janë të shkurtuara dhe të simuluara. Ndërfaqja aktuale e përdoruesit mund të jetë e ndryshme.
• Mund të kërkohet identifikim në Samsung Account për të përdorur disa veçori të AI.
• Samsung nuk bën premtime dhe nuk jep siguri apo garanci për saktësinë, plotësinë ose besueshmërinë e rezultateve të dhëna nga veçoritë AI.
• Veçoritë dhe përmbajtja e disponueshme, duke përfshirë veçoritë e Galaxy AI, mund të variojë sipas shtetit/rajonit, modelit të pajisjes, versionit OS/One UI dhe operatorit celular.
• Veçoritë bazë të Galaxy AI të ofruara nga Samsung janë falas. Publikimet e ardhshme mund të përfshijnë veçori të përmirësuara ose shërbime të reja që ofrohen me pagesë. Mund të zbatohen kushte të ndryshme për veçoritë AI që ofrohen nga palët e treta. Veçoritë bazë të Galaxy AI janë shërbimet e listuara në seksionin "Inteligjencë e avancuar" në Kushtet aktuale të përgjithshme të shërbimeve Samsung.
• Shërbimi i Galaxy AI mund të jetë i kufizuar për të miturit në rajone të caktuara ku ka kufizime moshe në lidhje me përdorimin e AI.
• Produktet shiten veç.
• Disponueshmëria e ngjyrave, madhësive, modeleve dhe rripave të orës mund të ndryshojë sipas vendit ose operatorit celular.
• Disa widgets funksionale mund të kërkojnë një lidhje me rrjetin dhe/ose identifikim në Samsung Account. Disponueshmëria e funksioneve të mbështetura brenda aplikacioneve mund të ndryshojë sipas shtetit.
• Veçoritë mund të ndryshojnë.
• Për të përdorur disa veçori të caktuara mund të kërkohet lidhje me rrjetin.
• Disponueshmëria e shërbimit të Galaxy AI mund të variojë sipas gjuhës. Për disa gjuhë mund të nevojitet shkarkimi i paketës së gjuhës.
• Përshkrimet e veçorive të reja bazohen në përmirësimet e bëra në versionin aktual në krahasim me versionet e mëparshme.
1. Softueri zyrtar One UI 8.5 ka kaluar si fillim te Galaxy S26 Series. Përditësimi pritet të kalojë gradualisht te pajisjet e tjera Galaxy.
2. Photo Assist mund të kërkojë lidhje me rrjetin dhe identifikim në Samsung Account. Disponueshmëria e shërbimit mund të ndryshojë sipas shtetit, gjuhës ose modelit të pajisjes. Photo Assist mund të rezultojë në një fotografi me përmasa të ndryshuara. Në imazhin e krijuar pas ruajtjes mbivendoset një shenjë e dukshme sigurie, në mënyrë që të tregohet se imazhi është krijuar nga AI. Saktësia dhe besueshmëria e rezultatit të gjeneruar nuk është e garantuar.
3. Veçoria Now Nudge kërkon identifikim në Samsung Account. Funksionet dhe veçoritë e disponueshme mund të ndryshojnë sipas shtetit, rajonit dhe gjuhës. Sugjerimet me mesazh me tekst disponohen me aplikacione të caktuara për mesazhe të palëve të treta, duke përfshirë Samsung Messages, Google Messages, Google Chat, WhatsApp, WhatsApp Business, KakaoTalk, LINE, Signal, Instagram (DM), Tango, NTT Docomo Messages, KDDI Messages. "Ndaj fotografi" në Now Nudge funksionon duke analizuar përmbajtjen e imazheve të disponueshme. Saktësia e rezultateve nuk është e garantuar.
4. Veçoria Now Brief kërkon identifikim në Samsung Account. Disponueshmëria e shërbimit mund të ndryshojë sipas shtetit, gjuhës, modelit të pajisjes dhe aplikacioneve. Për disa veçori mund të nevojitet një lidhje me rrjetin. Përshkrimi i fotografive i mundësuar nga momentet mund të mos përputhet me qëllimin e përdoruesit. Njoftimet për shëtitjen e qenit kërkojnë që SmartTag2 dhe Pet Care në SmartThings të jenë të aktivizuara. SmartTag2 shitet veç. Njoftimet duhet të aktivizohen që të përdoren si të dhëna të nxjerra. Të dhënat e nxjerra të disponueshme nga njoftimet e aplikacioneve të mbështetura, Messages, Gmail dhe Samsung Wallet, dhe të dhënat e mbledhura nga Gmail mund të përdoren vetëm nëse përdoruesi jep pëlqimin që Inteligjenca e të Dhënave Personale të lexojë Gmail. Të dhënat e nxjerra për detajet e rezervimit janë të disponueshme vetëm nga mesazhet e konfirmimit të rezervimit.
5. Disponueshmëria e shërbimit Bixby kërkon identifikim në Samsung Account dhe lidhje me internetin. Funksionet dhe veçoritë e disponueshme mund të ndryshojnë sipas shtetit, rajonit dhe gjuhës. Bixby dallon vetëm disa theksa dhe dialekte të anglishtes (MB), të anglishtes (SHBA), anglishtes (Indi) frëngjishtes (Francë), gjermanishtes (Gjermani), italishtes (Itali), japonishtes (Japoni), koreanishtes (Kore e Jugut), kinezishtes mandarin (Kinë), spanjishtes (Spanjë), portugalishtes (Brazil) dhe spanjishtes (Amerika Latine). Gjuhë të tjera të mbështetura mund të shtohen në të ardhmen. Jo të gjitha theksat, dialektet dhe shprehitë mund të dallohen, dhe performanca reale mund të ndryshojë në varësi të shqiptimit, volumit të zërit dhe të mjedisit rrethues. Përdorimi i Bixby mund të jetë i kufizuar në situata të caktuara, si p.sh. gjatë regjistrimit të mediave (video/lojëra/zë), gjatë telefonatave, në modalitetin e kursimit maksimal të energjisë, në modalitetin e emergjencës dhe Samsung Kids. Disponueshmëria e shërbimit mund të ndryshojë sipas shtetit/ofruesit të shërbimit/gjuhës/modelit të pajisjes/versionit të OS. Bixby kontrollon aplikacionet e zgjedhura dhe aplikacionet e tjera që do të mbështeten. Për të kontrolluar pajisjet që kanë SmartThings të aktivizuar me Bixby, së pari lidh pajisjet me aplikacionin SmartThings. Për më shumë informacion, vizito faqen e internetit të SmartThings (www.samsung.com/al/smartthings).
6. Veçoria e ekranit të privatësisë kontrollon këndin e shikimit të ekranit për të kufizuar shikimin periferik dhe mund të aktivizohet te "Cilësimet". Aktivizimi i aplikacioneve specifike mund të kryhet gjithashtu te "Cilësimet". Mund të ketë ndryshime të cilësisë së imazhit jashtë këndit të shikimit. Disa informacione mund të jenë ende të dukshme për të tjerët në varësi të mjedisit të shikimit, si p.sh. këndi ose ndriçimi. Këshillohet të bëhet kujdes gjatë ekspozimit të informacioneve delikate.
7. Ekrani i privatësisë mbështetet vetëm në Galaxy S26 Ultra.
8. Zbulimi i faqeve të internetit keqdashëse mund të mos garantojë zbulimin e saktë çdo herë.
9. Motori i të dhënave personale funksionon me kusht që menyja Inteligjenca e të Dhënave Personale të jetë e aktivizuar. Të dhënat e analizuara do të fshihen sapo të çaktivizohet menyja e Inteligjencës së të Dhënave Personale. Motori i të dhënave personale njeh gjuhë të zgjedhura dhe theksa/dialekte të caktuara, duke përfshirë por pa u kufizuar në arabisht, (të thjeshtuar) kinezisht, holandisht, anglisht, frëngjisht, gjermanisht, hindisht, indonezisht, italisht, japonisht, koreanisht, polonisht, portugalisht, rumanisht, rusisht, spanjisht, suedisht, tajlandisht, turqisht dhe vietnamisht. Motori i të dhënave personale aktualisht analizon aplikacionet origjinale të Samsung dhe njoftimet e aplikacioneve të mbështetura.
10. KEEP disponohet vetëm në smartfonët dhe tabletat Galaxy me One UI 8 ose version më të ri.
