Çfarë është Skanimi i Iridave dhe si mund ta përdor në Galaxy S9/S9+?

Pajisja mund të ruajë të dhënat e iridave vetëm të një personi. Nuk mund të regjistroni më shumë se një çift iridash.

Kur lëvizni në çfarëdo drejtimi në ekranin e kyçur, do të shfaqet ekrani i njohjes së iridave.

Nëse iridat tuaja nuk njihen, zhbllokoni pajisjen duke përdorur vizatimin, PIN-in ose fjalëkalimin, dhe pastaj regjistroni iridat tuaja.

Nëse ndryshoni metodën e kyçjes së ekranit në Rrëshqit ose Asnjë, të cilat nuk janë të sigurta, të gjitha të dhënat tuaja biometrike do të fshihen. Për të përdorur Samsung Pass ose Pay, regjistroni të dhënat tuaja biometrike përsëri.

Skanimi i iridave mund të ketë probleme me njohjen e iridave në disa raste:

Kur mbani syze të trasha optike, syze dielli, lente kontakti me ngjyrë ose lente kontakti rrethore.

Nëse kohët e fundit keni bërë ndërhyrje me laser për korrigjimin e shikimit, si për shembull LASIK ose LASEK.

Nëse sipërfaqja e sensorit të dritës mbulohet me aksesorë ekrani, si për shembull mbrojtëse ose ngjitëse ekrani.

Nëse ka papastërti ose mbeturina në kamerën e iridave, sensorin LED.

Nëse jeni në dritë të fortë të diellit ose në dritë të dobët, ambiente me ujë ose me lagështi.