Како да ја користам карактеристиката Active Noise Canceling (Намалување на активниот шум) на Galaxy Buds Live?
Слушалките Galaxy Buds Live се идеални за секојдневниот живот затоа што ги намалуваат непотребните пречки, а ги пуштаат важните содржини, како што се гласот и известувањата. Намалувањето на активниот шум, или како што го нарекуваме ние ANC за отворен тип ви дава можност за приспособување без нагодување.
Пред да се обидете со препораките опишани подолу како решение за проблемот, задолжително проверете дали софтверот на уредот и поврзаните апликации се ажурирани до најновата верзија. Проверете како да го ажурирате софтверот на мобилниот уред по следниот редослед.
Чекор 1. Одете на Settings (Поставки) > Software update (Ажурирање на софтверот).
Чекор 2. Допрете на Download and install (Преземи и инсталирај).
Чекор 3. Следете ги упатствата на екранот.
Доживејте ја карактеристиката Намалување на активниот шум
Ако сакате да слушате музика или да останете понастрана од бучни околини, употребете ја карактеристиката Active Noise Canceling (Намалување на активниот шум) на слушалките Galaxy Buds Live. Може да ги блокирате надворешните звуци од бучава околу вас за да може да се сконцентрирате без да ја зголемувате гласноста.
Употребете Active Noise Canceling (Намалување на активниот шум) кога сакате да избегнете одвлекување на вниманието, како на пример кога слушате музика. Во слушалките Galaxy Buds Live има звучници од AKG коишто се специјално направени за секакви содржини. Отворот за воздух овозможува лесно движење на воздухот и со тоа ќе ја почувствувате вибрацијата во секој ритам. Со ANC за отворен тип има помалку шум. Сега ќе може да се фокусирате повеќе на тоа што го слушате. ANC го филтрира звуците со ниски тонови, но ги пропушта високите тонови, како што се човечките гласови.
Забелешка: Ако микрофонот и неговата околина (надворешниот микрофон додека ги носите слушалките) се целосно покриени, може да се јави повратна реакција кога ќе ја активирате карактеристиката Намалување на активниот шум.
Едноставни контроли на принцип „допри и држи“
Како што споменавме претходно, може да ги намалите непотребните пречки, а да ги пропуштите важните содржини преку едноставни контроли со еден допир. Само допрете и држете една секунда. Потоа ќе се активира Намалување на активниот шум и ќе ги блокира надворешните звуци околу вас. Ако сакате да ја деактивирате функцијата, обидете се уште еднаш да ги допрете и да ги држите Galaxy Buds Live подолго.
Забелешка: за да ја активирате карактеристиката со слушалки, уверете се дека однапред поставената вредност „допри и држи“ е поставена за намалување на активниот шум, па допрете ја и држете ја слушалката.
Чекор 1. Активирајте ја апликацијата Galaxy Wearable на мобилниот уред и отворете ја.
Чекор 2. Допрете на режимот Active noise canceling (Намалување на активниот шум) за да го вклучите.
Забелешка:
- Ако не се појави скок-прозорец, ажурирајте ја апликацијата SmartThings до најновата верзија.
- Скок-прозорецот за поврзување ќе се појави само на мобилните уреди од Samsung што работат на Android 7.1.1 или понова верзија и ја имаат инсталирано апликацијата SmartThings.
- Ако слушалките не се поврзуваат со мобилен уред, не се појавува скок-прозорецот за поврзување или мобилниот уред не може да ги најде слушалките, допрете ги и држете ги двете подлоги за допир на слушалките додека ги носите за да влезете рачно во режим на спарување преку Bluetooth.
- Кога ги поврзувате слушалките со мобилен уред најавен на сметка на Samsung, информациите за спарување на слушалките ќе се синхронизираат на другите мобилни уреди што ја користат истата сметка на Samsung и не треба пак да ги поврзувате на почеток.
Поставете ја прво карактеристиката „допри и држи“ за ANC
Може да изберете однапред поставена карактеристика „допри и држи“ на секоја слушалка за да ги активирате карактеристиките брзо и згодно. За да ја поставите прво карактеристиката,
Чекор 1. Отворете ја апликацијата Galaxy Wearable и допрете на Touch controls (Контроли за допир).
Чекор 2. Допрете на Left or Right (Лево или десно) во Touch and hold (Допри и држи) и изберете Active noise canceling (Намалување на активниот шум).
Кај Galaxy Buds Live наменети за отворен тип, додека е активирано Намалување на активен шум, може да почувствувате одредени звуци како да се погласни кога слушалките не се наместени правилно во увото или во зависност од околната средина. Правилно наместени слушалки ќе ви даваат најдобар звук и најдобро намалување на активниот шум.
Решение 1. Проверете дали се добро наместени и дали е добра насоката
- Проверете ја насоката на секоја слушалка и насочете ги долните половини (звучникот) во насока на долниот дел од ушите.
- Треба да ги ставите долната и горната страна во соодветните делови од ушите и да ги приспособите за да ви одговараат најдобро.
- Уверете се дека ги ставате левата и десната слушалка на правилното уво со звучникот насочен навнатре.
Решение 2. Одржувајте ги слушалките чисти по употребата
Ако се нафатиле ушен восок или нечистотија на звучникот и на отворот за воздух, звукот од двете слушалки може да биде различен или квалитетот на звукот да биде влошен. Отстранете го ушниот восок или нечистотија со чиста, сува и мека крпа, со стапчиња за уши или други средства.
- Употребете меко и суво крпче за да ги исчистите слушалките по употребата.
- Одржувајте ги слушалките суви. Не дозволувајте слушалките да дојдат во контакт со течности или да навлезе течност во нив.
- Чистете ги слушалките редовно за да не се насобере ушен восок или нечистотија на звучникот и на отворот за воздух.
Решение 3. Ажурирајте го софтверот на најновата верзија
Уверете се дека е инсталирана апликацијата Galaxy Wearable на мобилниот уред и дека софтверот на мобилниот уред и на слушалките Galaxy Buds Live е најнова верзија. За најдобро доживување, се препорачува да се ажурира секој софтвер, а апликацијата Galaxy Wearable до најновата верзија.
Ажурирање на софтверот за слушалките
Ажурирајте го софтверот за слушалките преку услугата firmware over-the-air (безжично ажурирање на фирмверот од страна на производителот или давателот на услугата) (FOTA).
Активирајте ја апликацијата Galaxy Wearable на мобилниот уред и допрете на Earbuds Software update (Ажурирање на софтверот за слушалките).
• Преземете и инсталирајте: Проверете дали има ажурирања и инсталирајте ги рачно.
• Последно ажурирање: Видете ги информациите за најновото ажурирање на софтверот.
За ажурирање на софтверот од мобилниот уред.
Чекор 1. Одете на Settings (Поставки) > Software update (Ажурирање на софтверот).
Чекор 2. Допрете на Download and install (Преземи и инсталирај).
Чекор 3. Следете ги упатствата на екранот.
Забелешка: Ако и понатаму се јавуваат истите симптоми и покрај погоре наведените совети, обратете се во центарот за корисници на Samsung со уредот и преземете ги потребните дејства.
Ако забележувате необично однесување на мобилните телефони, таблети или модна електроника од Samsung, може да ни испратите прашање во апликацијата Samsung Members
Тоа ќе ни овозможи да видиме подетално што се случува. Нема да се откриваат податоци и ќе се чуваат само за времетраењето на истрагата.
Забелешка: сликите од екранот на уредот и менито може да се разликуваат според моделот на уредот и верзијата на софтверот.
Благодариме за повратните информации
Одговори на сите прашања.