Како да ги искористите слушалките Galaxy Buds Live за најдобар квалитет на звукот
За разлика од повеќето слушалки, Galaxy Buds Live се дизајнирани ергономски за отворен тип. Може едноставно да го подобрите квалитетот на звукот ако ги носите на правилен начин. Ако имате проблеми со квалитетот на звукот, обидете се со препорачаните решенија за подобрување на квалитетот на звукот.
Пред да се обидете со препораките опишани подолу како решение за проблемот, задолжително проверете дали софтверот на уредот и поврзаните апликации се ажурирани до најновата верзија. Проверете како да го ажурирате софтверот на мобилниот уред по следниот редослед.
Чекор 1. Одете на Settings (Поставки) > Software update (Ажурирање на софтверот).
Чекор 2. Допрете на Download and install (Преземи и инсталирај).
Чекор 3. Следете ги упатствата на екранот.
Како да ги носите правилно слушалките Galaxy Buds Live
- Во слушалките Galaxy Buds Live има звучници од AKG коишто се специјално направени за секакви содржини. Ергономскиот дизајн дава простран звук, како да сте во прв ред на концерт. Приспособете ги слушалките за да ви одговараат најдобро на ушите за да ги искористите сите предности за кои се наменети Galaxy Buds Live.
- Чекор 1. Фатете ги горната и долната страна на секоја мала слушалка и извадете ги од кутијата за полнење.
Чекор 2. Проверете дали насоката на секоја мала слушалка и насочете ја долната половина (звучникот) во насока на долниот дел од увото. Уверете се дека ги ставате левата и десната слушалка на правилното уво со звучникот насочен навнатре.
Чекор 3. Ставете ги долната и горната страна во соодветните делови од ушите и приспособете ги за да ви одговараат најдобро.
- Ако не ги поставите слушалките правилно во ушите, нема да работат. Во тој случај, употребете силиконски додатоци што одговараат на ушите и носете ги слушалките правилно.
- Ако сензорот чувствителен на допир нема контакт со увото, малата слушалка нема да работи. Употребете гумички за ушите ако не чуете звук што ве информира дека е откриена слушалка.
Прикачување гумичка на слушалката
Чекор 1. Изберете гумичка што ви одговара за во увото.
Чекор 2. Изберете гумичка за левото и десното уво откако ќе ги проверите ознаките за L (Лево) или R (Десно) на гумичките.
Чекор 3. Најдете ја ознаката за L (Лево) или R (Десно) на задниот дел од долната страна на гумичката и уверете се дека насочена кон малата слушалка. Закачете ја гумичката во куката за прицврстување.
- Не ставајте ги слушалките во ушите без гумички. Така може да ги оштетите ушите.
- Не влечете ја прекумерно гумичката кога ја прикачувате или откачувате. Гумичката може да се скине.
- Не ставајте ги гумичките на слушалките во обратна насока. Гумичките нема да одговараат на ушите.
Чекор 4. Покријте го остатокот од слушалката со гумичка.
Чекор 5. Следете ја истата постапка за спротивната слушалка.
Забелешка:
- Уредот содржи магнети коишто може да влијаат на медицински уреди, како што се пејсмејкери или имплантабилни кардиовертер дефибрилатори. Ако користите некои од овие медицински уреди, одржувајте безбедно растојание од нив и побарајте совет од лекар пред да го користите уредот.
- Одржувајте безбедно растојание меѓу уредот и предмети што се под влијание на магнети. Предметите, како што се кредитни картички, евидентни картички, картички за пристап, картички за патување или картички од паркинг, може да се оштетат или да не функционираат поради магнетите во уредот.
- Почитувајте ги сите наведени предупредувања и насоки од овластениот персонал во местата каде што е ограничена употребата на безжични уреди, како на пример авиони или болници.
Како што беше објаснето претходно, за разлика од начинот на носење на претходните производи од Galaxy Buds, треба да ја насочите долната страна (звучникот) во насока на долниот дел од увото и ставете ја долната страна во ушите. Така, ако имате поголеми уши или ушни отвори, слушалките може да навлезат длабоко во ушите така што увото може да ја покрие вградената антена. Тоа може да влијае врз работењето на Bluetooth и да дава лош квалитет на звукот.
За да проверите дали големината на секоја слушалка е соодветна за големината на ушите или ушните отвори, ви препорачуваме да се погледнете во огледало додека ги носите слушалките. Ако отворот за воздух на слушалките е скриен од ушите кога ги носите, веројатно имате поголеми уши или ушни отвори.
① Отвор за воздух
- Може да ја измерите големината на увото или ушниот отвор во зависност од критериумите на индикаторот на сликата подолу.
① Голема: Ако имате поголеми уши или ушни отвори, обратете се во центарот за корисници на Samsung.
② Средна
③ Мала
Во овој случај, треба да се уверите дека се јавуваат слични симптоми кога проверувате со друг безжичен уред на истото место и дека симптомите исчезнуваат кога ќе се премести на друго место. Проблемите со околината на поврзаната мрежа може да предизвикаат лош квалитет на звукот или слабо функционирање преку Bluetooth. Подолу се наведени некои совети и мерки на претпазливост во врска со користењето на безжичните мрежи.
- Може да бидат исклучени услугите на безжичните мрежи поради проблеми со мрежата на операторот. Чувајте ги слушалките подалеку од електромагнетни бранови.
- За да избегнете проблеми кога ги поврзувате слушалките на друг уред, ставете ги уредите близу еден до друг.
- Уверете се дека слушалките и другиот уред со Bluetooth се во опсегот на поврзување со Bluetooth(10 m). Растојанието може да се разликува во зависност од околината во која се користат уредите.
- Уверете се дека нема пречки меѓу слушалките и поврзаниот уред, вклучително и човечки тела, ѕидови, агли или огради.
- Не допирајте ја антената за Bluetooth на поврзаниот уред.
- Bluetooth ја користи истата фреквенција како и некои индустриски, научни, медицински и слаби електрични уреди, па може да се јави интерференција кога вршите поврзување близу овие типови производи.
- Исклучете ја тековно поврзаната безжична мрежа и поврзете ја повторно.
Ако се нафатиле ушен восок или нечистотија на звучникот и на отворот за воздух, звукот од двете слушалки може да биде различен или квалитетот на звукот да биде влошен. Отстранете го ушниот восок или нечистотија со чиста, сува и мека крпа, со стапчиња за уши или други средства.
- Употребете меко и суво крпче за да ги исчистите слушалките по употребата.
- Чувајте ги слушалките суви. Не оставајте слушалките да дојдат во контакт со течности или да навлезе течност во нив.
- Чистете ги слушалките редовно за да не се насобере ушен восок или нечистотија на звучникот и на отворот за воздух.
① Звучник ② Отвор за воздух
Може да се јават падови во гласноста или звукот во зависност од гласноста на поврзаниот уред. За да избегнете ова, приспособете го соодветно звукот на поврзаниот уред. За да го направите ова, одете во опциите за поставки за Volume (Гласност) и Sound (Звук) и приспособете ги правилно.
Уверете се дека е инсталирана апликацијата Galaxy Wearable на мобилниот уред и дека софтверот на мобилниот уред и на слушалките Galaxy Buds Live е најнова верзија. За најдобро доживување, се препорачува да се ажурира секој софтвер, а апликацијата Galaxy Wearable до најновата верзија.
Ажурирање на софтверот за слушалките
Ажурирајте го софтверот за слушалките преку услугата firmware over-the-air (безжично ажурирање на фирмверот од страна на производителот или давателот на услугата) (FOTA).
Активирајте ја апликацијата Galaxy Wearable на мобилниот уред и допрете на Earbuds Software update (Ажурирање на софтверот за слушалките).
• Преземете и инсталирајте: Проверете дали има ажурирања и инсталирајте ги рачно.
• Последно ажурирање: Видете ги информациите за најновото ажурирање на софтверот.
За ажурирање на софтверот од мобилниот уред.
Чекор 1. Одете на Settings (Поставки) > Software update (Ажурирање на софтверот).
Чекор 2. Допрете на Download and install (Преземи и инсталирај).
Чекор 3. Следете ги упатствата на екранот.
- Ако се насоберат туѓи материјали на сензорот на допир, може сензорот да не работи. Пред да ги ставите слушалките, прво исчистете го сензорот.
- Ако има пот или течност на контактите за полнење, може да се јави корозија на Galaxy Buds Live. Ако има пот или течност на контактите за полнење или на слушалките, исчистете ја пред да ги вратите во кутијата за полнење.
- Ако ги полните слушалките Galaxy Buds Live на влажна порта од полначот, Galaxy Buds Live може да се оштетат. Темелно исчистете ја портата на полначот пред да ги полните Galaxy Buds Live.
- Наполнете ја батеријата целосно пред да ги користите слушалките за првпат или кога не сте ги користеле подолго време.
- Не ставајте ги гумичките на слушалките во обратна насока. Слушалките нема да се полнат ако не се поставени правилно во кутијата за полнење.
- Ако и понатаму се јавуваат истите симптоми и покрај погоре наведените совети, обратете се во центарот за корисници на Samsung со уредот и преземете ги потребните дејства.
Забелешка:
- Ставките приложени со Galaxy Buds Live, достапните додатоци и нивните слики може да се разликуваат во зависност од регионот.
- Приложените ставки се наменети само за Galaxy Buds Live и може да не се компатибилни со други уреди.
- Изгледот и спецификациите се подложни на промена без претходно известување.
- Може да купите уште додатна галантерија од веб-локацијата на Samsung. Проверете дали се компатибилни пред да ги купите.
- Користете само додатоци одобрени од Samsung. Користењето неодобрени додатоци може да предизвика проблеми при работењето и дефекти коишто не се опфатени со гаранцијата.
- Достапноста на сите додатоци е предмет на промена и целосно во зависност од компаниите што ги произведуваат. За повеќе информации во врска со достапните додатоци видете на веб-локацијата од Samsung.
Ако забележувате необично однесување на мобилните телефони, таблети или модна електроника од Samsung, може да ни испратите прашање во апликацијата Samsung Members.
Тоа ќе ни овозможи да видиме подетално што се случува. Нема да се откриваат податоци и ќе се чуваат само за времетраењето на истрагата.
- Забелешка: сликите од екранот на уредот и менито може да се разликуваат според моделот на уредот и верзијата на софтверот.
Благодариме за повратните информации
Одговори на сите прашања.