Një nga modelet më të reja në linjën e telefonave me ekran të palosshëm të Samsung, Galaxy Z Flip8 sjell përmirësime të rëndësishme dhe veçori të reja që mishërojnë inovacionin e vërtetë.

• Është Flip ynë më i lehtë dhe më i hollë që kemi prodhuar ndonjëherë, 180 gramë dhe 6,1 milimetra. Dizajni i lehtë do të thotë që mund ta mbani fare lehtë në dorë ose në xhep gjatë gjithë ditës.

• Sistemi i avancuar i kamerës ofron një përvojë shkrepjeje si në DSLR falë një efekti me sfond të turbullt të mbështetur nga AI, videove pa dridhje me Super Steady dhe redaktimi të shpejtë dhe të lehtë me veçoritë e Galaxy AI si Photo Assist.

• Armor FlexHinge më e lëmuar dhe me një hapësirë të zgjeruar të kornizës së brendshme mundëson një hapje më të lehtë.

*Krahasuar me modelet e mëparshme.
*Rezultatet e Super Steady mund të ndryshojnë në varësi të metodës së modifikimit dhe/ose kushteve të xhirimit.
*Photo Assist mund të kërkojë të keni të hapur internetin dhe identifikimin në llogarinë Samsung Account. Disponueshmëria e shërbimit mund të ndryshojë sipas shtetit, gjuhës ose modelit të pajisjes. Photo Assist mund të rezultojë në një foto të ridimensionuar. Një logo e dukshme vendoset mbi imazhin e prodhuar pas ruajtjes në mënyrë që të tregojë se imazhi është krijuar nga AI. Saktësia dhe besueshmëria e produktit të krijuar nuk garantohet.

Galaxy Z Flip8 është një telefon Flip nga Samsung që thekson personalizimin, fleksibilitetin dhe përshtatshmërinë e mbajtjes në xhep, duke e bërë atë zgjedhjen e përkryer për stilin personal dhe shprehjen e vetes.

• Galaxy Z Flip8 është një telefon i palosshëm që paloset në një formë më kompakte, i përsosur për ta futur në xhep ose për ta mbajtur në dorë gjatë gjithë ditës. Është Flip ynë më i lehtë dhe më i hollë që kemi prodhuar ndonjëherë, 180 gramë dhe 6,1 milimetra.

• Ndërkohë, Galaxy Z Fold8 Ultra dhe Galaxy Z Fold8 janë telefona inteligjentë të palosshëm që hapen për të zbuluar një ekran më të madh. Galaxy Z Fold8 Ultra është një telefon ultra i fuqishëm që përdoret për punë, lojëra gjithëpërfshirëse dhe kryerjen e detyrave krah për krah, ndërsa Galaxy Z Fold8 është projektuar për shikim të optimizuar të përmbajtjeve.

• Galaxy Z Flip8 është i shkëlqyer për stilin dhe shprehjen e vetvetes. Ekrani i jashtëm është tepër i përshtatshëm, duke ju lejuar të përshtatni sfonde, widget-e dhe skema ngjyrash të ndryshme që i përshtaten personalitetit tuaj.

• Për më tepër, forma unike e Galaxy Z Flip8 dhe FlexCam mundëson një larmi stilesh filmimi dhe xhirimi. Mund të bëni auto-shkrepje të shpejta përmes ekranit të jashtëm, ta mbani Flip horizontalisht me kapje si kamerë dore ose ta përdorni krejtësisht pa duar duke e vendosur Flip si një stativ për të bërë foto dhe video.

*Krahasuar me modelet e mëparshme.
*I matur diagonalisht, madhësia e ekranit të jashtëm të Galaxy Z Flip8 është 4,1 inç në drejtkëndëshin e plotë dhe 4,0 inç duke marrë parasysh qoshet e rrumbullakosura. Madhësia e ekranit kryesor është 6,9 inç në drejtkëndëshin e plotë dhe 6,8 inç duke marrë parasysh qoshet e rrumbullakosura; zona reale e shikimit është më e vogël për shkak të qosheve të rrumbullakosura dhe vrimës së kamerës.

Ngjyrat e Galaxy Z Flip8 vijnë në tre opsione standarde: Rozë, Grafit dhe Ngjyrë kremi.

• Rozë, Grafit dhe Ngjyrë kremi janë tre opsionet standarde të ngjyrave për Galaxy Z Flip8 që janë në dispozicion për blerje.

*Disponueshmëria e ngjyrës mund të ndryshojë në varësi të shtetit ose operatorit.

Samsung Galaxy Z Flip8 ka dy opsione të disponueshme hapsire ruajtëse: 512 GB dhe 256 GB. Duhet të zgjidhni opsionin e hapsirës ruajtëse që i përshtatet më së miri stilit të jetës dhe kërkesave tuaja, si p.sh. nëse duhet të ruani shumë fotografi dhe video ose të shkarkoni aplikacione dhe lojëra të ndryshme.

• 512 GB (me 12 GB memorie): Nëse bëni shumë fotografi dhe video ose shkarkoni aplikacione dhe lojëra të ndryshme, atëherë merrni parasysh të zgjidhni opsionin e hapsirës ruajtëse prej 512 GB. Idealisht kjo gjë duhet t'ju japë hapësirë për të shtuar përmbajtje të re në telefonin tuaj, duke ruajtur fotot, videot, muzikën dhe skedarët e tjerë që keni tashmë.

• 256 GB (me 12 GB memorie): Nëse bëni një numër të moderuar fotosh dhe videosh dhe nuk shkarkoni shumë aplikacione ose lojëra, atëherë zgjedhja e duhur mund të jetë opsioni i hapsirës ruajtëse prej 256 GB.

• Nëse ende nuk jeni të sigurt se cili opsion është më i miri për ju, kontrolloni kapacitetin e hapsirës ruajtëse në telefonin tuaj aktual (zakonisht gjendet te cilësimet) për të pasur një ide në lidhje me përdorimin tuaj të zakonshëm. Mund të shihni se sa hapësirë po mbushet dhe madje të merrni një ndarje sipas kategorive të ndryshme, si foto, video, aplikacione, muzikë, dokumente dhe më shumë. Kjo do t'ju japë një ide të mirë se sa hapsirë ruajtëse do t'ju duhet për pajisjen tuaj të re.

*Opsionet e hapsirës ruajtëse dhe disponueshmëria mund të ndryshojnë sipas operatorit, vendit ose rajonit. Hapsira ruajtëse aktuale në dispozicion mund të ndryshojë sipas softuerit të instaluar paraprakisht.

Mund t’i transferoni lehtësisht të dhënat tuaja nga telefoni juaj i vjetër te Galaxy Z Flip8 juaj të ri nëpërmjet Smart Switch, edhe nëse telefoni juaj është nga një markë tjetër ose ka një OS të ndryshëm. Smart Switch i përmirësuar e bën procesin e transferimit të të dhënave personale më të lehtë se kurrë. Thjesht skanoni QR code gjatë konfigurimit të pajisjes për t’i kaluar lehtësisht fotot, kontaktet, fjalëkalimet dhe më shumë.

• Me telefonin tuaj të ri Samsung Galaxy në dorë, filloni procesin e konfigurimit përmes Setup Wizard. Do të drejtoheni te një QR code që duhet ta skanoni për të filluar transferimin e të dhënave nga telefoni juaj.

• Zgjidhni llojet e artikujve që do të transferohen, si foto, video, muzikë, mesazhe, shënime, kontakte, kalendarë dhe më shumë. Smart Switch i përmirësuar mund të transferojë edhe më shumë lloje artikujsh, duke përfshirë fjalëkalimet dhe passkeys, aplikacionet e preferuara dhe paraqitjen e ekranit kryesor.

• Pasi të keni zgjedhur se çfarë do të transferoni, Smart Switch do të zhvendosë të dhënat, përmbajtjen dhe cilësimet tuaja me anë të një procesi të shpejtë e të thjeshtë. Nuk ka nevojë të mundoheni duke bërë transferimin manual të artikujve një nga një, dhe madje mund të anashkaloni riorganizimin e ekranit kryesor sepse do të konfigurohet pikërisht ashtu siç dëshironi.

*Transferimi i të dhënave nga iOS në Galaxy përmes metodës së përmirësuar është i disponueshëm kur pajisja Galaxy përdor Android™ 17 ose më të lartë dhe One UI 9 ose më të lartë, dhe pajisja iOS përdor iOS 26,6 ose më të lartë.