Çfarë duhet të bëj nëse butonat e panelit të kontrollit nuk funksionojnë siç duhet?

Për arsye sigurie, makinat larëse Samsung kanë funksionin e bllokimit për fëmijët, i cili bllokon derën dhe butonat. Udhëzimet e mëposhtme ju ndihmojnë të zgjidhni problemet me panelin dhe butonat e komandimit.

Kontrolloni ekranin e panelit të kontrollit

Në përgjithësi, nuk mund të ndryshohet asnjë opsion gjatë kohës kur makina larëse po punon. Nëse ju nevojitet t’i ndryshoni opsionet, ndalojeni punën e makinës larëse duke shtypur butonin “Power/Pause” dhe vendosini përsëri opsionet.
 

Nëse mbi buton ka papastërti apo lagështi, butoni nuk do ta ketë të lehtë që po preket. Plus kësaj, nëse është aktivizuar funksioni i bllokimit për fëmijët, nuk funksionon asnjë buton tjetër me përjashtim të butonit të fikje-ndezjes. Gjithashtu, ky funksion do të qëndrojë i aktivizuar edhe pas fikjes dhe ndezjes së pajisjes.

kodi cl në ekran

Shënim:

  • Modeli i panelit të kontrollit mund të ndryshojë sipas modelit të pajisjes që keni.
  • Kjo pamje është një shembull i thjeshtë në gjuhën angleze, ekziston edhe në gjuhën e vendit tuaj.
  • Sigurohuni që pajisja të jetë e lidhur me rrjetin elektrik dhe që drita e ekranit të panelit të kontrollit të jetë e ndezur.
  • Kontrolloni panelin dhe pastrojeni duke hequr çdo papastërti apo lagështi mbi butona.

 

Si ta kontrolloni panelin

Hapi 1. Hiqeni nga priza e rrjetit elektrik për disa minuta makinën larëse.

Hapi 2. Futeni përsëri spinën në prizë dhe pastaj shtypni butonin e ndezjes.

Hapi 3. Shtypni çdo buton nga një herë. Nëse butoni reagon, shikoni çfarë kodi informues del në ekran. Përndryshe, përsëritni hapat 1 dhe 2.

Hapi 4. Mbajeni të shtypur butonin “Program” 3 sekonda ose gjersa të ndalojë së pulsuari drita.

  • Kur është i aktivizuar funksioni i bllokimit për fëmijët, vijon të mbetet i aktivizuar edhe pas fikjes së pajisjes. Prandaj, duhet të siguroheni që ta çaktivizoni ose ta anuloni funksionin për të filluar larjen. Kur është i aktivizuar funksioni i bllokimit për fëmijët, treguesi i bllokimit për fëmijët pulson me kodin (CL, dC) në panelin e kontrollit.
  •  
  • Si ta çaktivizoni funksionin e bllokimit për fëmijët (ndryshon sipas modelit)
  •  
  • Makinë larëse me mbushje nga përpara
  • Për ta çaktivizuar (përkohësisht) bllokimin për fëmijët: Shtypni dhe mbani të shtypur njëkohësisht për 3 sekonda (A) dhe (B). 
  • Për ta anuluar bllokimin për fëmijët: Shtypni dhe mbani të shtypur njëkohësisht për 3 sekonda (A) dhe (B) për ta çaktivizuar dhe pastaj shtypini dhe mbajini të shtypur përsëri këta butona për 3 sekonda. Dera zhbllokohet dhe treguesi i bllokimit për fëmijët fiket plotësisht.
shtyp butonin temp dhe shpëlarje
  • Shënim:
  • Modeli i panelit të kontrollit mund të ndryshojë sipas modelit të pajisjes që keni.
  • Kjo pamje është një shembull i thjeshtë në gjuhën angleze, ekziston edhe në gjuhën e vendit tuaj.
  • Makinë larëse me mbushje nga lart
  • Për ta anuluar bllokimin për fëmijët: Shtypni dhe mbani të shtypur njëkohësisht për afro 3 sekonda butonin (A) dhe (B).

  • Këshilla praktike për butonat e komandimit me funksionin e bllokimit për fëmijët të aktivizuar (vetëm për modelet me mbushje nga lart)
  • Mund ta komandoni panelin e kontrollit ndërkohë që dera është e mbyllur. Nëse e hapni derën shfaqet një kod informues (CL, dC) së bashku me një sinjal akustik. Makina larëse do të bëjë zbrazjen e ujit pas 30 sekondave për të parandaluar aksidente të foshnjave apo fëmijëve, si mbytja.
  • Bllokimi për fëmijët bëhet aktiv vetëm kur ka përfunduar furnizimi me ujë.
  • Nëse dera lihet e hapur për 30 sekonda ndërkohë që në kazan ka ujë, makina larëse do ta zbrazë ujin me kodin CL dhe ky proces nuk mund të ndalohet.
  • Për të shtuar detergjent apo tesha të tjera në kazan apo për të ndryshuar programin e larjes, duhet së pari të çaktivizoni funksionin e bllokimit për fëmijët.
shtyp nivelin e ujit dhe butonin e larjes

Shënim:

  • Nëse e hapni derën ndërkohë që është i aktivizuar bllokimi për fëmijët, makina fillon zbrazjen e detyruar të ujit për të parandaluar aksidente të tilla si mbytja.
  • Modeli i panelit të kontrollit mund të ndryshojë sipas modelit.
  • Kjo pamje është një shembull i thjeshtë në gjuhën angleze, ekziston edhe në gjuhën e vendit tuaj.

Pyetjet të Ngjashme

Faleminderit për komentin tuaj

Kontakt

Keni nevojë për riparim?

Pavarësisht nëse produkti juaj është ose jo nën garanci, ne mund t'ju ndihmojmë.
Mëso më shumë

Online

Mund të kontaktoni në mënyra të ndryshme: në chat, duke shkruar një e-mail dhe shumë të tjera.
Mësoni më shumë

Merrni në telefon

Flisni me një nga ekspertët tanë për të kërkuar ndihmë ose për të gjetur një përgjigje për pyetjet tuaja.
Mësoni më shumë
Shiko më shumë