Si ta zgjidhni kur audioja e kufjeve Bluetooth është e paqëndrueshme
Me një palë kufje Bluetooth të ildhura me pajisjen, mund të dëgjoni muzikë ose të bëni thirrje telefonike. Nëse audioja nuk është e qëndrueshme gjatë përdorimit të kufjeve Bluetooth, problemi mund të jetë te lidhja midis pajisjes dhe kufjeve, mjedisi apo kasheja e lidhjes Bluetooth. Ndiqni udhëzuesin e mëposhtëm për ta zgjidhur problemin që keni me audion e kufjeve Bluetooth.
Përpara se të provoni rekomandimet e mëposhtme, verifikoni nëse softueri i pajisjes dhe të gjitha aplikacionet e lidhura janë përditësuar në versionin më të fundit. Për të përditësuar softuerin e pajisjes celulare, ndiqni këta hapa:
Hapi 1. Shkoni në Settings (Cilësime) > Software update (Përditësim softueri).
Hapi 2. Prekni Download and install (Shkarko dhe instalo).
Hapi 3. Ndiqni udhëzimet e paraqitura në ekran.
Së pari, provoni të rindizni pajisjen dhe kufjet Bluetooth. Nëse problemi vazhdon, ndiqni hapat e mëposhtëm për ta zgjidhur problemin që keni me audion e kufjeve Bluetooth.
Provoni ta riçiftoni pajisjen me kufjet Bluetooth.
Problemin me audion mund të jetë duke e shkaktuar një lidhje e paqëndrueshme midis pajisjes dhe kufjeve. Ndiqni udhëzuesin e mëposhtëm për t’i shkëputur dhe rilidhur kufjet.
Në lidhjen Bluetooth mund të ndikojë mjedisi përreth. Lëvizjet e befta ose distanca mes pajisjeve mund të shkaktojë interferencë edhe mes pajisjeve. Lidhja mund të ndërpritet edhe nëse ndodheni në një vend me shumë njerëz ose nëse keni vendosur ngjitëse metalike ose mbështjellëse mbrojtëse pranë antenës së pajisjes.
- Mbajini afër pajisjen Galaxy dhe kufjet Bluetooth dhe sigurohuni që të mos ketë asgjë mes tyre.
- Lidhja mund të jetë e paqëndrueshme nëse pajisjen e keni brenda xhepit ose çantës, prandaj mbajeni pajisjen pranë kufjeve.
- Largohuni nga vendi ku ka shumë njerëz ose ku përdoren shumë valët Wi-Fi.
- Qëndroni larg kabllove të zhveshura, furrave me mikrovalë dhe altoparlantëve pa kabllo ose çaktivizojini këto pajisje nëse jeni të detyruar t’u qëndroni pranë.
- Nëse jeni duke dëgjuar muzikë online, cilësia e zërit mund të cenohet nga cilësia e lidhjes. Në këtë rast, provoni ta shkarkoni në pajisjen muzikën që dëshironi të dëgjoni.
Shënim:
- Nëse kufjet Bluetooth vazhdojnë të shkëputen, ju lutemi, vizitoni qendrën më të afërt të shërbimit për t’jua kontrolluar siç duhet pajisjen.
- Pamjet e ekranit të pajisjes dhe menytë mund të ndryshojnë në varësi të modelit të pajisjes dhe të versionit të softuerit.
_JPG$){kind=logo}
Faleminderit për komentin tuaj
Përgjigjju të gjitha pyetjeve.