Përditësimet e softuerit për kufjet Samsung

Për të siguruar ekzekutimin pa probleme të përditësimeve të softuerit, ka disa gjëra që mund të bëni në telefonin, tabletin ose kompjuterin tuaj.

• Nëse keni një telefon Galaxy, fillimisht lidhni serinë e Galaxy Buds me aplikacionin Galaxy Wearable në telefonin apo tabletin tuaj, ose në softuerin e menaxherit të kompjuterit në mënyrë që të kontrolloni për përditësime.

Shënim: Kufjet Galaxy Buds Pro dhe Buds Live nuk përputhen me Galaxy Buds Manager në kompjuter.

• Për të parë se çfarë është përfshirë në përditësim para se të instaloni përditësimin, mund të prekni Çfarë ka të re në dritaren e përditësimit. Në këtë mënyrë, do të dini saktësisht se çfarë po ndryshon.
• Sapo të jenë instaluar përditësimet e softuerit, mund të përdorni një kufje teke me pajisjen tuaj.
• Nëse po keni probleme gjatë përditësimit të kufjeve, mund t’i rinisni ato duke i vendosur në kutinë e karikimit dhe duke e mbyllur kapakun për 10 sekonda.

Kur për kufjet ofrohet një përditësim softueri, aplikacioni Galaxy Wearable do t’ju njoftojë me anë të një dritareje. Prekni Përditëso dhe më pas ndiqni udhëzimet. Kufjet do të shkëputen nga telefoni. Sapo përditësimi të përfundojë, kufjet do të rilidhen automatikisht me telefonin.