Përditësimi i softuerit në orën Samsung Galaxy Watch

Samsung Galaxy Watch nuk përbëhet vetëm nga hallka dhe ingranazhe - përbëhet nga tela, procesorë, çipe të dhënash dhe softuer! Dhe ashtu si me çdo pajisje tjetër inteligjente, softueri dhe aplikacionet e orës duhet të përditësohen herë pas here. Për fat të mirë, mund t’i përditësoni të dyja pavarësisht nëse keni apo nuk keni një telefon!

Kur telefoni dhe ora janë të lidhura, mund të përdorni aplikacionin Galaxy Wearable për të kontrolluar rregullisht për përditësime. Ose, nëse e konfiguroni fillimisht orën tuaj pa një telefon, mund t’i kryeni përditësimet nga vetë ora.

Përditësoni softuerin e orës me anë të një telefoni Android

1. Përpara se të filloni procesin e përditësimit, sigurohuni që ora të jetë karikuar mjaftueshëm. Nëse nuk keni të paktën 30% karikim, nuk do të jeni në gjendje të kryeni përditësimin.

2. Në telefonin e lidhur, navigoni dhe hapni aplikacionin Galaxy Wearable.

3. Prekni Cilësimet e orës dhe më pas prekni Përditësimi i softuerit të orës. Prekni Shkarko dhe instalo.

4. Ndërkohë që zbatohet përditësimi i softuerit, ora do të rindizet dhe do të shfaqë një shirit progresi ose një animacion që rrotullohet.

Gjithashtu, mund ta përditësoni orën direkt nga vetë ora. Gjithsesi, do të duhet të çiftohet me një telefon të përputhshëm Android. Thjesht hapni Cilësimet, rrëshqitni te dhe prekni Përditësimi i softuerit.