Si ta pastroj telefonin Galaxy?
Ju lutemi ndiqni udhëzimet më poshtë për mënyrën e pastrimit dhe mirëmbajtjes së telefonit tuaj Galaxy.
Për ta pastruar telefonin, ndiqni këto udhëzime.
- Përpara se ta pastroni, fikeni smartfonin Galaxy, hiqjani mbështjellësen mbrojtëse, nëse ka, dhe shkëputni çdo kabllo apo aksesor.
- Përdorni një cohë të butë mikrofibre pa kokrriza, si coha që përdoret për pastrimin e objektivit të kamerave, për ta fshirë me butësi sipërfaqen e jashtme të telefonit.
- Mos fusni lagështirë në asnjë vrimë a të çarë të telefonit dhe mos hidhni tretësira të lëngshme drejt e në telefon. Nëse është nevoja, njomni cepin e cohës me një sasi të vogël uji të distiluar apo dezinfektuesi, si ndonjë produkt me bazë acidi hipokloror (50-80ppm) ose me bazë alkooli (mbi 70% etanol ose alkool izopropolik) dhe me butësi fshini me cohë pjesën e përparme dhe të pasme të telefonit, pa ushtruar shumë forcë. Mos e pastroni me tepri.
- Mos përdorni ajër të kompresuar dhe mos përdorni e mos spërkatni zbardhues apo tretësira të lëngshme drejt e në telefon.
- Ky rekomandim për pastrimin vlen vetëm për sipërfaqet prej qelqi, qeramike dhe metali të telefonit; nuk rekomandohet për aksesorët e butë, pra për ato pajisje që janë prej lëkure, prej gome apo prej plastike.
Shënim:
- Udhëzimet vlejnë për : Smartfonat Galaxy , tabletat Galaxy dhe orët Galaxy Watch (me përjashtim të rripave të orës).
- Udhëzimet nuk vlejnë për : Galaxy Buds, tastierat (tastierat e jashtme dhe tastierat e kompjuterëve portativë Galaxy), rripat plastikë për pajisjet që mbahen në trup dhe për produkte të tjera Samsung që nuk përmenden shprehimisht këtu.
Paralajmërim:
- Kompania Samsung nuk mund të garantojë efikasitetin e udhëzimeve të propozuara. Rezultatet mund të ndryshojnë dhe nuk mund të vrasin të gjitha bakteret, mikrobet dhe viruset.
Faleminderit për komentin tuaj
Përgjigjju të gjitha pyetjeve.