Shpejtësia e rifreskimit, e matur në herc (Hz), tregon se sa herë në sekondë e rifreskon ekrani imazhin. Për shembull, një monitor 120 Hz rifreskohet 120 herë në sekondë. Te shpejtësitë e zakonshme të rifreskimit përfshihen 60 Hz, 120 Hz, 144 Hz, 240 Hz dhe 360 Hz. Një vlerë më e lartë nënkupton kalime më të rrjedhshme dhe më pak turbullim, veçanërisht kur shfaq përmbajtje me lëvizje të shpejta.

• 144Hz e lart:
Ndërkohë që shpejtësitë më të larta të rifreskimit në këtë gamë janë kryesisht të përshtatshme për lojëra, ato mund të përdoren edhe nga modifikuesit e videove dhe profesionistët e grafikave të lëvizjes pasi ofrojnë pamje paraprake më të rrjedhshme dhe mund të reduktojnë lodhjen e syve në përdorim të zgjatur.

• 75Hz deri në 120Hz:
Monitorët në këtë gamë ofrojnë lëvizje tejet të rrjedhshme dhe mund të përdoren për detyra si dizajni grafik dhe luajtja e videove, veçanërisht për përmbajtje të mbushura me aksion. Shpejtësia e përmirësuar e rifreskimit mund t'i bëjë ndërveprimet të duken më reaguese.

• 60Hz:
Kjo është shpejtësia standarde e rifreskimit për shumicën e monitorëve, e përshtatshme për detyrat e përditshme, si shfletimi në ueb, emailet, modifikimi i dokumenteve dhe transmetimi i videove. Mundëson performancë të përshtatshme për përdorim të përgjithshëm.

Për lojtarët, shpejtësia e lartë e rifreskimit mund të jetë vendimtare. Monitorët me shpejtësi më të larta rifreskimi mundësojnë lëvizje më të rrjedhshme dhe përvojë më reale në lojë, veçanërisht në zhanre me ritëm të shpejtë si lojërat me gara dhe ato me luftim, si dhe lojërat me simulim që synojnë të riprodhojnë me saktësi mjedisin e botës reale. Shpejtësia më e lartë e rifreskimit redukton turbullimin e lëvizjes dhe mundëson përvojë me të rrjedhshme në lojëra duke u ofruar lojtarëve përvojë më reale në lojë dhe avantazh në konkurrim.

Përpos pamjeve më të rrjedhshme, shpejtësitë më të larta të rifreskimit përmirësojnë reagueshmërinë e lojës, e cila është e vendimtare në lojëra ku reagimi i shpejtë bën diferencën. Kjo është veçanërisht e rëndësishme për lojtarët konkurrues që luajnë lojëra ku edhe milisekondat kanë rëndësi. Për zhanret e lojërave si ato nga pikëpamja e personazhit kryesor (FPS), lojërat me sporte dhe luftim, reagueshmëria e lojtarit ka rëndësi të madhe. Monitorët me shpejtësi rifreskimi 144 Hz ose më të lartë e rifreskojnë ekranin më shpesh duke të lejuar ta shikosh aksionin më shpejt dhe më qartë. Kjo të lejon të reagosh më shpejt në lojë ndërkohë që gjithashtu i bën përgjigjet ndaj komandave të duken më të menjëhershme.

Një nga përparimet më emocionuese në teknologjinë e shpejtësisë së rifreskimit është shpejtësia e ndryshueshme e rifreskimit (VRR). Teknologjitë si G-Sync (nga NVIDIA) dhe FreeSync (nga AMD) rregullojnë në mënyrë dinamike shpejtësinë e rifreskimit të monitorit për t'iu përshtatur FPS-së që prodhon GPU-ja. Kjo ndihmon në eliminimin e deformimit dhe ngecjes së ekranit, duke rezultuar në lojë më të rrjedhshme.

VRR-ja është veçanërisht e dobishme kur shpejtësia e kuadrove të përmbajtjes tënde ndryshon, qoftë për shkak të prodhimit të luhatshëm të GPU-së në lojëra, ose për shkak të ndryshimeve në shpejtësinë e kuadrove të videove. Duke përshtatur shpejtësinë e rifreskimit të monitorit me shpejtësinë e kuadrove të përmbajtjes që po shfaqet, VRR-ja siguron një përvojë vizuale pa ndërprerje dhe pa probleme vizuale si deformimi ose ngecja e ekranit.