Si të përdorni dhe konfiguroni njohjen e shenjës së gishtit për të hapur Serinë Galaxy S22
Sensori i shenjës së gishtit të telefonit tuaj Galaxy ofron një mënyrë të përshtatshme dhe të sigurt për të hapur telefonin tuaj dhe i mban të sigurta informacionet tuaja personale. Nëse keni probleme me përdorimin e sensorit të shenjës së gishtit, ka disa gjëra për t'u marrë parasysh.
Përpara se të provoni rekomandimet e mëposhtme, verifikoni nëse softueri i pajisjes dhe të gjitha aplikacionet e lidhura janë përditësuar në versionin më të fundit. Për të përditësuar softuerin e pajisjes celulare, ndiqni këta hapa:
Hapi 1. Shkoni në Settings (Cilësime) > Software update (Përditësim softueri).
Hapi 2. Prekni Download and install (Shkarko dhe instalo).
Hapi 3. Ndiqni udhëzimet e paraqitura në ekran.
Siguria e shenjës së gishtit në telefonin tuaj
Njohja e shenjës së gishtit përdor karakteristikat unike të shenjës së gishtit për të rritur sigurinë e pajisjes tuaj. Përdorimi i shenjës së gishtit për të hapur telefonin tuaj është më i shpejtë dhe më i përshtatshëm sesa përdorimi i një PIN ose fjalëkalimi. Që njohja e shenjës së gishtit të funksionojë, informacioni i shenjës së gishtit duhet të regjistrohet dhe ruhet në pajisjen tuaj.
Shënim: Mos përdorni funksionin e shenjës së gishtit në gjendje të lagur. Edhe nëse pajisja është e nivelit të certifikuar me IP68, njohja e shenjës së gishtit bllokohet kur pajisja është në gjendje të lagur.
Hapi 1. Hapni aplikacionin Cilësimet dhe shtypni Biometrika dhe siguria.
Hapi 2. Shtypni Shenja gishti.
Hapi 3. Lexoni udhëzimet në ekran dhe shtypni Vazhdo.
Hapi 4. Vendosni një metodë të sigurt të kyçjes së ekranit.
Hapi 5. Vendoseni gishtin në sensorin e njohjes së shenjës së gishtit.
Pasi pajisja të dallojë gishtin tuaj, ngrijeni lart dhe vendoseni përsëri në sensorin e njohjes së shenjës së gishtit. Përsëriteni këtë veprim derisa shenja e gishtit të regjistrohet me sukses.
Për njohje më të mirë të shenjës së gishtit
Kur skanoni shenjat e gishtave në pajisje, kini parasysh kushtet e mëposhtme që mund të ndikojnë në performancën e këtij funksioni:
- Pajisja mund të mos njohë shenjën e gishtërinjve që ndikohen nga rrudhat ose shenjat.
- Pajisja mund të mos njohë shenjën e gishtërinjve nga gishtat e vegjël ose të hollë.
- Për të përmirësuar funksionimin e njohjes, regjistroni shenjat e gishtërinjve të gishtave që përdoren më shpesh për të kryer funksione në pajisje.
- Pajisja juaj ka një sensor të integruar të njohjes së shenjës së gishtit në qendër pjesës së poshtme të ekranit. Bëni kujdes që mbrojtësi i ekranit apo sensori i njohjes së shenjës së gishtave të mos jetë gërvishtur apo dëmtuar nga objekte si monedha, çelësa, stilolapsa, apo varëse.
- Bëni kujdes që gishtat, ashtu edhe sipërfaqja e sensorit të shenjave të gishtave në pjesën e poshtme të ekranit, të jenë të pastër dhe të thatë.
- Nëse përkulni gishtin ose përdorni majën e gishtit, pajisja mund të mos i njohë shenjat e gishtave. Shtypni ekranin në mënyrë që maja e gishtit tuaj të përhapet mbi sipërfaqen e gjerë të zonës së njohjes së shenjës së gishtit.
Hapja i ekranit me shenjat e gishtave
Mund ta hapni ekranin me shenjën e gishtit tuaj në vend që të përdorni një model standard, si PIN ose fjalëkalim.
Hapi 1. Në ekran te Cilësimet shtypni Biometrika dhe Siguria > Shenja gishti.
Hapi 2. Hapni ekranin duke përdorur metodën e paracaktuar të mbylljes së ekranit.
Hapi 3. Shtypni opsionin Zhbllokim me sh. gishtash për ta aktivizuar. Në ekranin e kyçur, vendoseni gishtin në sensorin e njohjes së shenjës së gishtit dhe skanoni shenjën tuaj të gishtit.
Shfaqja në mënyrë të dukshme e ikonës së shenjës së gishtit
Konfiguroni pajisjen që të shfaqë ose fshehë ikonën e njohjes së shenjës së gishtit kur prekni lehtë mbi ekranin ndërsa ekrani është i fikur.
Hapi 1. Në ekran te Cilësimet shtypni Biometrika dhe Siguria > Shenja gishti.
Hapi 2. Hapni ekranin duke përdorur metodën e paracaktuar të mbylljes së ekranit.
Hapi 3. Shtyp Trego ikonën me ekran të fikur dhe zgjidhni një opsion.
Fshini shenjat e gishtërinjve të regjistruara
Ju mund të fshini shenjat e gishtërinjve të regjistruara.
Hapi 1. Në ekran te Cilësimet shtypni Biometrika dhe Siguria > Shenja gishti.
Hapi 2. Hapni ekranin duke përdorur metodën e paracaktuar të mbylljes së ekranit.
Hapi 3. Zgjidhni një shenjë gishti për ta fshirë dhe shtypni Largo.
Nëse përzgjidhni njohjen biometrike, e cila përfshin përdorimin e shenjës së gishtërinjve ose njohjes së fytyrës, për të hapur telefonin tuaj, ekrani që kërkon kodin PIN, modelin e përcaktuar ose fjalëkalimi tuaj mund të shfaqet sërish në vend të shenjës së gishtërinjve ose njohjes së fytyrës në disa raste sipas politikës së sistemit operativ Android.
- Nëse e keni përdorur dhe hapur pajisjen me anë të Biometrikës, duke përfshirë shenjat e gishtërinjve ose njohjen e fytyrës në 24 orët e fundit.
- Nëse kalojnë 4 orë pa një veprim shtesë hapje pas hapjes së pajisjes duke përdorur shenjat e gishtërinjve ose njohjen e fytyrës.
- Nëse kalojnë 72 orë nga hapja e pajisjes tuaj duke përdorur një PIN, model të paracaktuar ose fjalëkalimin, ndërkohë që shenja e gishtit është caktuar si lloji i mbylljes së ekranit.
Kjo është një përgjigje e synuar për sigurinë e shtuar të pajisjes tuaj. Për më tepër, mund të përdorni vetëm një PIN, model të përcaktuar ose fjalëkalim për të hapur ekranin pas rinisjes së pajisjes ose kur nuk e përdorni pajisjen për më shumë se 24 orë.
Për të reduktuar zhurmën që mund të krijohet përkohësisht kur ekrani ndizet ose fiket, ka një vonesë prej 0,3 sekondash, për të bërë funksional modulin përkatës të prekjes. Prandaj, nëse përpiqeni të njihni shenjën tuaj të gishtit sapo të ndizni ose fikni ekranin, pajisja mund të mos e njohë menjëherë shenjën tuaj të gishtit në mënyrën e duhur. Provojeni edhe një herë dhe funksioni duhet të funksionojë.
Për të shmangur njohjen e paqëllimshme të shenjës së gishtit, funksioni "Shenja e gishtit gjithmonë aktive" duhet të çaktivizohet. Nëse funksioni është i aktivizuar, telefoni juaj do të vazhdojë të përpiqet të skanojë shenjën tuaj të gishtit për sa kohë që e mbani telefonin. Kjo mund të shkaktojë dridhje të padëshiruara ose hapje të pajisjes. Nëse mendoni se kjo veçori është e papërshtatshme për t'u përdorur, ndiqni hapat e mëposhtëm për ta çaktivizuar funksionin.
Hapi 1. Hapni aplikacionin Cilësimet dhe shtypni Biometrika dhe siguria.
Hapi 2. Shtypni Shenja gishti.
Hapi 3. Çaktivizoni opsionin te Shenja e gishtit gjithmonë aktive.
Shënim:
- Pamjet e ekranit të pajisjes dhe menytë mund të ndryshojnë në varësi të modelit të pajisjes dhe të versionit të softuerit.
- Mund t'ju duhet të regjistroni përsëri shenjën e gishtit pasi të keni vendosur një filtër mbrojtës të ri ose mbrojtës të ekranit të xhamit. Kur regjistroni ose skanoni gjurmën tuaj të gishtit, sigurohuni që të përdorni pjesën më të lartë qendrore të shenjës së gishtit ose pjesën më të lakuar të shenjës së gishtit.
- Nëse ka modele, zgjatime, pika, etj. në sipërfaqen e filtrit mbrojtës ose mbrojtësit të ekranit prej xhami, ose nëse përdorni një produkt të palës së tretë që nuk është i certifikuar për përputhshmëri, funksioni i njohjes së shenjës së gishtave mund të mos funksionojë siç duhet. Është e nevojshme të kontrolloni përputhshmërinë ose saktësinë e njohjes përpara përdorimit.
- Mbrojtësi i certifikuar i ekranit është i disponueshëm në dyqanet në internet dhe në pikat e shitjes të Samsung. Mësoni më shumë rreth mënyrës se Si të aplikoni Mbrojtësin e Ekranit.
_JPG$){kind=logo}
Faleminderit për komentin tuaj
Përgjigjju të gjitha pyetjeve.