-
“Kopshti i famullisë në Nuenen në pranverë” (1884)
Vincent van Gog, Holandë,
Parë për herë të fundit: Holandë
Ndërkohë që jetonte me prindërit e vet, Van Gogu pikturoi këtë pamje të kopshtit të pasmë të famullisë së të atit të tij në mars 1884. Stili dhe ngjyrat sugjerojnë që kjo është një prej veprave të tij më të hershme. Me kishën e vjetër në distancë, një grua me të zeza që po largohet, kthehet pas duke parë drejt shtëpisë. Famullia dhe kopshti vazhdojnë të jenë në Nuenen, Holandë, por piktura është zhdukur. Në një grabitje të shpejtë në 30 mars 2020, ajo është marrë në ditëlindjen e 167-të të Van Gogut. Ajo vazhdon të jetë e humbur, por ka shpresa se do të jetë një prej kthimeve të shumta të lumtura.
-
"Portreti i Dr. Gashetit” (1884))
Vincent van Gog, Holandë
Parë për herë të fundit:SHBA
“Portreti i Dr. Gashetit” është një prej veprave më të njohura të Van Gogut. Pas një krize dhe prerjes së një pjese të veshit të tij, Van Gogu u shtrua në një spital ku punonte Dr. Gashet. Në fillim, ai nuk krijoi lidhje me Gashetin, por më vonë ndërroi mendje: “Te Dr. Gasheti kam gjetur një mik të vërtetë… aq shumë ngjajmë me njëri-tjetrin fizikisht dhe mendërisht.” E parë në portret, që ka një shëmbëllim të ngjashëm me artistin.
Në 15 maj 1990, biznesmeni japonez Ryoei Saito e bleu atë për 82,5 milionë dollarë, me dëshirën që më vonë të digjej në krematorium bashkë me të kur të vdiste. Sot besohet se është pjesë e një koleksioni privat zviceran, por doktori i mirë nuk është parë që prej vitit 1990.
-
Piktori rrugës për në punë
Vincent van Gog, Holandë
Parë për herë të fundit: Gjermani
Ndoshta një autoportret nga koha e tij në Arles, kjo pikturë vaji e vitit 1888 nga Vincent van Gogu tregon teknikën e tij për të cilën ai njihet: përdorimi i rëndë i impastos, copëza të mëdha boje që janë pothuajse skulpturore. Mendohet se është shkatërruar aksidentalisht nga një bombë e gabuar e forcave aleate gjatë Luftës së Dytë Botërore, kur ndodhej në Muzeun Kaiser-Friedrich në Magdeburg, Gjermani.
Van Gogu është targetuar shpesh; në vitin 1991, 20 vepra u vodhën nga Muzeu i Van Gogut në Amsterdam, me vlerë të llogaritur të kombinuar prej rreth 500 milionë dollarë. Në vitin 2002, dy prej pikturave të Van Gogut u morën nga i njëjti muze dhe u rizbuluan në shtëpinë e një bosi të mafias në periferi të Napolit në vitin 2016.
-
Rosa e bardhë
Zhan Baptist Odri, Francë
Parë për herë të fundit: Mbretëria e Bashkuar.
Odri njihej si piktori i oborrit të Luigjit XV. Megjithëse prodhonte kryesisht portrete, devocioni i tij ishte natyra e qetë me fruta dhe kafshë. E llogaritur në vlerën 8 milionë dollarë, kjo natyrë e qetë e shekullit të 18-të u vodh nga koleksioni i Markezit të Cholmondeley në Houghton Hall në Norfolk, Angli, në vitin 1992.
Disa hetues besojnë se ka kaluar në duart e një bande romësh me bazë në rajon. Kriminelët ndonjëherë vjedhin me mendimin se do të gjejnë një koleksionist arti kriminel, si ato që shikojnë në filma. Por në vend që të varej në murin e sallonit të një të keqi të famshëm, një ish-informator policie tha se piktura u fsheh në papafingon e një shtëpie të largët dhe të shkatërruar në kënetat jashtë Newcastle. Ajo vazhdon të presë që të gjendet.
-
Pamje e Auvers-sur-Oise
Pol Cezan, Francë
Parë për herë të fundit: Mbretëria e Bashkuar.
Cezani, një prej revolucionarëve të historisë së artit krijoi një stil deformues që ndryshonte nga ajo që kishte qenë më parë dhe frymëzoi ata që erdhën më vonë. Ai ishte veçanërisht i aftë që të deformonte perspektivën për efekt dramatik, siç përshkruhet në këtë studim peizazhi të një grupi shtëpish rurale.
Hajdutët ndoshta të tërhequr nga deformimet e perspektivave, përfituan nga festimet e Vitit të Ri 1999 për ta vjedhur pikturën në një stil si në filma. Duke u ngjitur pranë një skele, duke thyer një dritare në çati, duke ulur një litar poshtë dhe duke e mbrojtur rrugën e tyre me një bombë tymuese. Brenda, një ventilator portativ fryu tymin rrotull, duke bllokuar kamerat CCTV. Alarmi ra, por personeli i sigurisë u mashtrua nga tymi dhe mendoi se ishte zjarr, prandaj thirrën zjarrfikësit në vend që të ndërhynin, duke u dhënë kohë hajdutëve të largoheshin.
-
Gjyqi i Funditt (1808)
Uilliam Blejk, Mbretëria e Bashkuar.
Parë për herë të fundit: Mbretëria e Bashkuar.
Një mistik me shumë talente i artit britanik, Uilliam Blejk ishte një piktor brilant, publikues e më shumë… poezia e tij vazhdon të lexohet nga fëmijët e shkollave në mbarë botën (“Tigri, tigri që digjet në flakë”).
Frymëzuar nga afresket e Mikelanxhelos të “Gjyqit të Fundit” në Kapelën Sistine, piktura gjigante e humbur e Blejkut tregon të vdekurit që ringjallen për t’u dërguar përjetë në Parajsë ose në Ferr. Ai pretendonte se kishte parë “vegime” gjatë gjithë jetës, shumë prej pikturave dhe poezive të tij ishin manifestime të tyre. Në këtë version të “Gjyqit të Fundit” të humbur të pikturuar në vitin 1808, figurat janë simbolike të ideve, dhe ka të ngjarë të ishin ngjyrosur me ngjyra të forta. Planifikuar si kryevepër e ekspozitës së tij kryesore, në vitin 1810, ekspozita u anulua dhe kjo, së bashku me shumë vepra të tjera që do të ekspozoheshin, humbën.
-
“Verë” (rreth 1644)
David Teniers i Riu, Holandë.
Parë për herë të fundit: Portugali
Alegoria në art është ku një figurë ose simbol nënkupton një koncept. Studimi i simboleve të artit, i quajtur ikonografi, i trajton pikturat si gjëegjëza vizuale. Aty ku artisti dëshiron që ju, shikuesi, të përfshiheni në mënyrë proaktive me veprën e artit, dhe të përpiqeni të deshifroni kuptimin e saj.
“Vera” është nga një seri e Alegorive të Katër Stinëve, katër piktura nga artisti holandez David Teniers i Riu. I njohur më shumë për pikturat e skenave të pahijshme në taverna, kjo sekuencë alegorike është një largim i kthjellët. Ne shohim punëtorë që korrin grurin në një ditë të nxehtë, një imazh kolektiv që sjell në mendje stinën e verës. Teniersi pikturoi disa versione të serisë; por, një version i “Verës” u vodh nga Museu Nacional de Arte Antiga në Portugali në vitin 1974 dhe kërkimi për ta zbuluar vazhdon ende
-
“Ura e Kryqit të Shkrumbuar” dhe “Ura e Vaterlosë” (1899-1904)
Klaud Mone, Francë.
Parë për herë të fundit: Mbretëria e Bashkuar dhe Rumani, Holandë
Mone pikturoi 37 versione të “Urës së Kryqit të Shkrumbuar” dhe të paktën 40 versione të “Urës së Vaterlosë”. Ai ishte i mahnitur pas studimeve të pikturës se si ndriçimi ndikon dhe ndryshon subjektet e tij. Dhe u kthehej shumë prej tyre në mënyrë të përsëritur, duke kapur stinë të ndryshme, secila me ndryshime delikate. Versionet në fokus janë dy prej pikturave të vjedhura në tetor 2012 nga Kunsthal në Roterdam. Nëna e një prej hajdutëve të dënuar deklaroi se “Ura e Vaterlosë” ishte mes pikturave të vjedhura që ajo dogji në sobën e saj në Rumani. Një përpjekje e tmerrshme për të shkatërruar provat kundër të birit. Policia gjeti gjurmë të pigmentit në sobën e saj, por jo mjaft për të verifikuar pretendimet e saj.
-
“Peizazh” (1917)
Jozef Lamperth Nemes, Hungari.
Parë për herë të fundit: Hungari
Kjo pikturë peizazhi mahnitës e pikturuar nga artisti hungarez Jozef Lamperth Nemes ishte një prej dy veprave në pronësi private që humbën nga një magazinë e Qendrës së Artit Modern dhe Kontemporan MODEM, në Debreçen, Hungari. Vjedhja e artit mendohet në terma të grabitjeve të muzeve si në filma, dhe ka shumë shembuj që i përshtaten këtij impresioni romantik. Me dhjetëra mijëra vjedhje arti në vit (pa përmendur ato të paraportuara), arkivat dhe magazinat mbeten objektiva të pëlqyera sepse mund të duhen muaj përpara se dikush të vërë re vjedhjen.
Por, veprat në magazina kërkojnë njohuri të specializuara për të lokalizuar dhe shënjestruar. Prandaj, një vjedhje e tillë tregon se hajdutët e dinin që më parë se çfarë kërkonin. Megjithëse vjedhja e artit me porosi është shumë e rrallë, në një rast si ky mund të mendohet për diçka të tillë.
-
Një skenë mitologjike me Bakusin e ri
Jakob Jordaens, Belgjikë (Arkivi i fotografive të Muzeut Sztuki, Lozh)
Parë për herë të fundit: Poloni
Kjo kryevepër nga mjeshtri i madh i vjetër holandez, Jakob Jordaens ishte një prej mijërave që u grabitën nga Polonia gjatë Luftës së Dytë Botërore. Influencuar shumë nga Rubensi, një gjeneratë më e vjetër dhe gjithashtu nga Anverpi, influencat mund të shihen në aspekte te punës së tij. Këtu, Bakusi, perëndia antik i bujqësisë, verës dhe pjellorisë, tregohet si një fëmijë i rrethuar nga nimfat dhe satirët (gjysmë-njeri, gjysmë-cjap).
Koleksionet e trashëgimisë jashtëzakonisht të pasur kulturore të Polonisë u zhdukën nga Ushtria e Kuqe Ruse dhe njësia e dedikuar naziste e vjedhjes së artit dhe arkivave, ERR. Megjithëse shumë janë zbuluar, shumë mbeten të humbura, si kjo Jordaens. Marrë nga Muzeu J. K. Bartozheviç i Historisë dhe Artit në Lozh, vendndodhja e tij është ende mistike.
-
“Kloe dhe Ema”
Barbora Kyslikova, Republika Çeke
Parë për herë të fundit: Norvegji
Pak pasi Barbora Kyslikova u transferua në Oslo, dy prej veprave të saj më të rëndësishme të artit u vodhën. Veprat e saj u bënë të njohura në botë vetëm së fundi, kur dokumentari i saj “Piktori dhe hajduti”, u prezantua në Festivalin e Filmit Sundance të vitit 2020. Është historia e vërtetë se si ajo gjurmoi dhe krijoi një histori të pazakontë me një të ri që i vodhi pikturat.
Veprat e saj të mëdha fotorealiste kishin audiencë të kufizuar jashtë Norvegjisë, derisa doli ky film i njohur, që do të thotë se vjedhja ishte më shumë një akt pasion, jo një përpjekje për fitim. Shumica e hajdutëve nuk dinë asgjë për artin që marrin, duke e parë atë vetëm si një mall portativ me vlerë të lartë. Ky rast është gjithashtu i pazakontë sepse hajdutët e kapur pretendojnë se nuk mbajnë mend asgjë ose se çfarë bënë me pikturat, sepse ata ishin lënë “pa ndjenja”.
