Не може да се користат апликации од Samsung TV Smart Hub Home
Почнувајќи со паметните телевизори на Samsung од 2023 година и паметните монитори, за пристап до Smart Hub, нашата паметна услуга базирана на мрежа што вклучува апликации (како апликации за стриминг услуги) и до нашите други паметни карактеристики достапни на вашиот уред, потребна е корисничка сметка на Samsung. Можеби ќе треба да користите посебен уред (лаптоп, десктоп компјутер или мобилен телефон) за да креирате корисничка сметка на Samsung или за да се најавите на неа. Ако изберете да не се најавите на корисничка сметка на Samsung, ќе може да поврзувате само екстерни уреди (како HDMI и терестријална телевизија со антена). Понатаму, телевизорот нема да може да ги користи Smart Hub апликациите. Овде спаѓаат апликации како што се Netflix и YouTube, како и Samsung услуги каква што е Samsung Health. За да се реши овој проблем, мора да се најавите на својата корисничка сметка на Samsung и да ги прифатите Условите за користење на паметниот телевизор.
Напомена: Прикажаните карактеристики и слики може да се разликуваат на уредите во зависност од моделот или географското подрачје.
Откако ќе се најавите на својата корисничка сметка на Samsung, може да уживате во разни услуги и карактеристики, односно:
- Да гледате филмови или драми преку ТВ апликации
- Да гледате разни канали на Samsung TV Plus, на пример за вести и забава
- Да добивате препораки за содржини приспособени на вашиот вкус
- Да контролирате уреди со апликацијата SmartThings
- Да ги користите Samsung услуги како што е App store и софтверски ажурирања
- Да преземате стотици бесплатни апликации и да примате автоматски ажурирања од App store
- Да пребарувате содржини со Bixby гласовните команди
Напомена: Некои карактеристики и услуги може да се разликуваат во зависност од уредот, моделот и земјата.
Може да се најавите или да креирате корисничка сметка на Samsung при првичното поставување на телевизорот. Ако го прескокнавте овој чекор при првичното поставување и избравте „Later“ (Подоцна), тогаш може да ја регистрирате сметката на почетната страница на Smart Hub откако ќе го поставите телевизорот.
Напомена: Ако го прескокнавте овој чекор при првичното поставување, тогаш може да ја регистрирате корисничката сметка на Samsung откако ќе ја поставите мрежата.
- Ако веќе имате корисничка сметка на Samsung, може да се најавите на телевизорот така што ќе ги внесете адресата за е-пошта и лозинката на телефонот.
- Ако веќе се имате најавено на Galaxy уред со корисничка сметка на Samsung, тогаш, со истата сметка може да се најавите на телевизорот. За да го направите ова, допрете на скок-прозорецот што се појавува кога ќе го скенирате QR кодот.
- Ако немате корисничка сметка на Samsung, може да креирате нова сметка или да се најавите на телевизорот со својата сметка на Google.
Напомени:
- За дополнителни упатства, погледнете го нашето видео со упатства за креирање корисничка сметка на Samsung на вашиот Samsung ТВ или најавување на корисничката сметка на Samsung на вашиот Samsung ТВ.
- Ако ги имате заборавено акредитивите или лозинката за вашата корисничка сметка на Samsung, посетете ја веб-локацијата за корисничка сметка на Samsung.
- Ограничувањето за возраста при регистрација за сметка на Samsung може да се разликува во зависност од земјата.
Ако веќе имате корисничка сметка на Samsung, но не сте ја поврзале со паметниот телевизор при првичното поставување, може да се најавите преку екранот на телевизорот со помош на далечинскиот управувач.
Напомена: Прочитајте го претходниот пасус за да дознаете како да се најавите или да креирате корисничка сметка на Samsung преку мобилен уред. Ако го прескокнавте овој чекор при првичното поставување, тогаш може да ја регистрирате корисничката сметка на Samsung откако ќе ја поставите мрежата.
Напомена: Корисничката сметка на Samsung овозможува дополнителна сигурност со верификацијата во два чекори. Може да го смените бројот или да додадете телефонски број на веб-локацијата за корисничка сметка на Samsung.
Благодариме за повратните информации
Одговори на сите прашања.