Како да постапите ако Samsung телевизорот не се вклучува

Samsung телевизор закачен на ѕид

Кога решавате проблем кај телевизор кој не се вклучува, тоа не мора да биде толку комплицирано. Во некои случаи, телевизорот е можеби вклучен, но прикажува црн екран. Може да го проверите црвеното светло кое се наоѓа на долниот раб на телевизорот - она кон кое го насочувате далечинскиот управувач. При нормално користење, ова црвено светло е вклучено кога телевизорот е исклучен (што укажува дека телевизорот е во режим на мирување), а е исклучено кога телевизорот е вклучен (или кога нема струја). Меѓутоа, може да проверите и дали има некаков проблем со приклучниците, кабелот или далечинскиот управувач. Ако имате поврзано надворешен уред и гледате од тој извор, тогаш погрижете се дека надворешниот уред е вклучен и правилно функционира. Изберете го оној дел во продолжение кој одговара за Вашиот телевизор.

Нормално е црвеното светло да свети кога телевизорот е исклучен, сѐ додека е вклучен во струја и има електрично напојување.

1 Прво, обидете се да го вклучите телевизорот со далечинскиот управувач. Ако ова не успее, обидете се да го притиснете копчето Power (Вклучување/исклучување) на телевизорот, наместо да го користите далечинскиот управувач. Каде се наоѓа ова копче зависи од моделот на Вашиот телевизор. Ако не знаете каде се наоѓа, погледнете го упатството за употреба.
Се притиска копчето за вклучување/исклучување на Samsung телевизор
2 Ако телевизорот се вклучи кога ќе го притиснете копчето Power (Вклучување/исклучување) на него, тоа значи дека има проблем со далечинскиот управувач.
3 Обидете се одново да го спарите далечинскиот управувач со телевизорот. Насочете го паметниот управувач Samsung кон предниот дел на телевизорот, потоа истовремено притиснете и задржете ги копчињата Return (Назад) и Play/Pause (Пушти/Паузирај) во рок од 3 секунди или подолго. Проверете во упатството за употреба за тоа како да го спарите далечинскиот управувач со телевизорот.
Копчињата Return (Назад) и Play/Pause (Пушти/Паузирај) се истовремено притиснати на далечинскиот управувач за Samsung ТВ
4 Ако телевизорот не се вклучи откако ќе ги притиснете копчињата за вклучување/исклучување на телевизорот и на далечинскиот управувач, но црвеното светло е вклучено, тогаш контактирајте со Поддршката на Samsung за помош.

Кога црвеното светло е исклучено, тоа значи или дека телевизорот нема напојување или, пак, е исклучен, а екранот е црн. Црвеното светло се исклучува секогаш кога ќе се вклучи телевизорот.

1 Погрижете се дека кабелот за напојување е правилно поврзан со телевизорот или со One Connect Box и дека штекерот функционира.
Samsung ТВ поставен на комода и вклучен во штекер, веднаш до One Connect Box
2 За да го тестирате штекерот, исклучете ги телевизорот и One Connect Box во рок од 30 секунди, а потоа повторно вклучете ги во штекер за кој знаете дека функционира. Ако и ова не успее, обидете се со друг штекер.

Напомена: Ако телевизорот е поврзан со One Connect Box, тогаш исклучете и одново вклучете го кабелот Invisible Connection што ги поврзува телевизорот и One Connect Box.

3 Ако се вклучи црвеното светло, тогаш тоа значи дека телевизорот добива напојување од функционалниот штекер. Тоа значи дека има проблем со првичниот штекер, или пак со штитникот за пренапон, доколку користите.
4 Ако црвеното светло воопшто не се вклучи откако ќе се обидете и со функционален штекер, а телевизорот и понатаму не се вклучува, контактирајте со Поддршката на Samsung за помош.

Црвеното светло на Samsung телевизорот трепка
1 Исклучете ги телевизорот и One Connect Box во рок од 30 секунди, а потоа повторно вклучете ги во штекер за кој знаете дека функционира. Не користете штитник за пренапон, бидејќи со текот на времето може да се истроши и да не го обезбедува потребниот напон за Вашиот телевизор. Препорачуваме да ги заменувате штитниците за пренапон.
2 Ако се вклучи црвеното светло, тогаш тоа значи дека телевизорот добива напојување од функционалниот штекер. Тоа значи дека има проблем со првичниот штекер, или пак со штитникот за пренапон, доколку користите.
3 Ако телевизорот и понатаму не се вклучува, а црвеното светло трепка, ова е знак дека нешто не е во ред со телевизорот. Контактирајте со Поддршката на Samsung за помош.

Поврзани прашања

Благодариме за повратните информации

Контакт информации

Ви треба поправка?

Без разлика дали твојот производ е во гаранција или не, ние можеме да Ви помогнеме.
Контакт информации

Online

Постојат неколку различни начини да не контактирате преку лајв чет, е-пошта и повеќе
Дознајте повеќе

Јавете се

Разговарајте со некој од нашите експерти.
Дознајте повеќе
Види повеќе