Активирање на LTE-услугата за вашиот Samsung Galaxy Watch
Samsung има паметни часовници што се компатибилни со Bluetooth и LTE! Верзијата на LTE може да прима повици и пораки без да биде поврзана со телефон. Сепак, прво ќе треба да ја активирате услугата за часовникот преку истиот оператор како на мобилниот телефон.
Забелешка: Мобилната мрежа може да ја активирате само кога користите телефон што работи на оперативниот систем Android 5.0 или понова верзија и со РАМ од 1,5 ГБ или повеќе. Мора да бидете поврзани на Wi-Fi или мобилна мрежа. Пакетите и начинот на поврзување може да се разликуваат зависно од операторот. Овие упатства се однесуваат само на LTE-верзиите за Samsung паметните часовници.
Кога ќе го поврзете часовникот со телефонот првиот пат, ќе ви се покажат упатства за активирање на услугата од операторот на часовникот. Штом го направите тоа, ќе треба да го завршите процесот за активирање.
Забелешка: Часовникот мора да биде спарен со телефонот за да ја активирате услугата.
1. На телефонот, појдете во апликацијата Galaxy Wearable и отворете ја, потоа допрете на Поставки за часовникот.
2. Допрете на Мобилни пакети; апликацијата ќе почне за скенира за компатибилна LTE-мрежа.
3. Следно, следете ги упатствата за да го завршите активирањето. Во телефонот треба да има СИМ-картичка.
Ако часовникот е поставен без телефонот, сè уште може да ја активирате услугата за часовникот користејќи го самиот часовник.
Ако не може да ја активирате услугата за вашиот часовник или ако е поправен и веќе не може да се поврзе со мрежата на операторот, ќе треба да контактирате со операторот, да му го дадете единствениот број за идентификација (EID, IMEI или ICCID) и да потврдите дека го имате соодветниот пакет за услуги.
1. За да го најдете бројот EID, IMEI или ICCID на часовникот, појдете и допрете на Поставки во часовникот.
2. Поминете и допрете на За часовникот, а потоа допрете на Инф. за состојбата.
3. Најдете ги броевите EID, IMEI или ICCID за активацијата.
Овие броеви може да ги најдете и во апликацијата Galaxy Wearable. Отворете ја апликацијата и допрете на Поставки за часовникот. Поминете и допрете на За часовникот, а потоа допрете на Информации за статусот. Тука може да го видите бројот EID, IMEI или ICCID.
Забелешка: Зависно од моделот или статусот на активацијата, часовникот може да не го прикажува бројот EID или ICCID.
Благодариме за повратните информации
Одговори на сите прашања.