Како да ги решите проблемите што може да настанат по промената на Опции за програмери на вашиот уред Samsung Galaxy

Опции за програмери на вашиот Samsung Galaxy уред е скриено мени наменето за развој и тестирање на апликации. Содржи напредни поставки дизајнирани да им помагаат на развивачите при тестирање софтвер и подобрување на целокупната функционалност на системот. Промената на поставките во Опции за програмери без целосно разбирање на нивната функција може да предизвика неочекувани проблеми, вклучително и промени во приказот, намалени перформанси и функционалност, падови на апликации и зголемена потрошувачка на батеријата. Ако имате проблеми со перформансите по правењето промени во Опции за програмери, следете ги чекорите за оптимизација подолу за да ги вратите стандардните поставки и да го исклучите Опции за програмери.

Функциите на Опции за програмери може значително да влијаат врз системските функции и однесувањето на апликацијата. Менувањето на поставките без да се знае нивната конкретна намена може да доведе до следниве симптоми:

• Промени во Брзина на анимации за прозорци: Преодите на екранот или брзината на стартување на апликациите може да станат невообичаено брзи, бавни или испрекинати.
  
• Промени во Граница на процес во зад.: Апликациите што работат во заднина може присилно да се затворат при извршување повеќе задачи или автоматските известувања (како оние од апликациите за пораки) може да доцнат.
  
• Овозможен е строг режим: Работ на екранот може да трепка црвено додека работат апликациите.
  
• Измена на Минимална широчина: Некои апликации може неочекувано да се затворат или да се појават грешки во приказот на надворешниот екран (за преклопливи уреди).

Ако наидете на проблеми со перформансите по изменувањето на Опции за програмери, вратете ги промените на нивните оригинални вредности и исклучете го менито.