Оптимизација на животниот век на батеријата
Врз животниот век на батеријата може да влијаат разни фактори, како што се нагодувањата на уредот, околината и навиките на користење. Разбирањето на овие фактори и користењето на нагодувањата ќе ви помогне да ја користите батеријата поефикасно и подолго.
Фактори што влијаат врз
траењето на батеријата
Околина
Потрошувачката на батеријата се зголемува во области со слаб или преклопувачки сигнал или при зголемена осветленост на екранот под силна сончева светлина или кој било друг извор на светлина.
※Galaxy Adaptive Brightness ја оптимизира видливоста на екранот зависно од интензитетот на светлината во околината.
Начин на користење
AMOLED екранот на Galaxy има висок контрастен однос кој ја зголемува потрошувачката на батеријата. Зголемената осветленост на екранот, подолгите интервали пред гасење на екранот, апликациите со високи перформанси, стримувањето содржини со висока резолуција и услугите за локација или другите дозволени услуги исто така ја зголемуваат потрошувачката на батеријата.
Совети за продолжување на траењето на батеријата
Откријте разни начини да го продолжите животниот век на батеријата!
※ Имињата на функциите и патеките до поставувањата може да се разликуваат во зависност од верзијата на Android ОС.
Проверете ги апликациите со висока потрошувачка на батерија
01. Одете во „Грижа на уредот“ во „Поставувања“.
02. Допрете „Оптимизирај сега“ за да ги проверите апликациите со висока потрошувачка на батерија во заднина.
03. Изберете „Батерија“.
04. Проверете ги апликациите со висока потрошувачка на батерија.
Ставете ги ретко користените апликации во спиење или длабоко спиење
01. Одете во „Грижа на уредот“ во „Поставувања“.
02. Допрете „Батерија“.
03. Изберете апликација.
04. Вклучете „Огранич.за користење во заднина“.
05. Допрете „Стави во спиење“ / „Стави во длабоко спиење“.
Како да го оптимизирате траењето на батеријата во „Поставувања“-2
Чувајте ги ретко користените апликации во спиење или длабоко спиење
01. Одете во „Грижа на уредот“ во „Поставувања“.
02. Допрете „Батерија“.
03. Одете во „Огранич.за користење во заднина“ во Батерија.
04. Изберете „Апликации што спијат“ или „Апликации за длабок сон“.
05. Допрете „+“ за да додадете апликации.
06. Изберете ги неупотребените апликации, потоа допрете „Додај“ за да завршите.
※ Апликации што спијат: Апликациите поставени да спијат може повремено да работат во заднина. Ажурирањата и известувањата на апликациите може да се одложат.
※ Апликации за длабок сон: Апликациите поставени на длабок сон нема да работат во заднина. Ќе добивате ажурирања и известувања само кога ќе ја отворите апликацијата.
※ Достапноста на оваа функција може да се разликува во зависност од апликацијата.
Проверете што влијае врз траењето на батеријата во историјата на апликациите
01. Одете во „Грижа на уредот“ во „Поставувања“.
02. Допрете ја иконата за графикон горе десно.
03. Во Апликации за длабок сон, проверете ги апликациите што не се користени долго време или што се ставени во длабоко спиење поради чести известувања.
※ Апликациите со проблеми може да влијаат врз траењето на батеријата. Ажурирајте ги апликациите до најновите верзии. Се препорачува неупотребените апликации да се стават во спиење, во длабоко спиење или да се деинсталираат.
За да спречите одредени апликации да заспијат или да влезат во длабоко спиење, следете ги упатствата подолу
01. Одете во „Грижа на уредот“ во „Поставувања“.
02. Допрете „Батерија“.
03. Допрете „Огранич.за користење во заднина“ од Батерија.
04. Допрете „Никогаш апликации да не заспиваат автоматски“.
05. Допрете „+“ за да додадете апликации.
06. Изберете ги апликациите што сакате да ги исклучите од автоматско заспивање, потоа допрете „Додај".
Вклучете го режимот „Штедење енергија“
Кога батеријата е слаба, вклучете „Штедење енергија“ за да го продолжите траењето на батеријата.
Активирајте го режимот „Штедење енергија"
Кога ќе се вклучи „Штедење енергија“, апликациите во заднина ќе бидат ограничени од Wi-Fi и мобилни податоци, а функциите што трошат многу батерија, како Always On Display, ќе бидат оневозможени за да се продолжи траењето на батеријата.
Можете да изберете и приспособите брзина на CPU, ниво на осветленост и Always On Display според вашите преференции.
※ Кога е вклучен режимот за „Штедење енергија", ќе се применат ограничувања за податоците во заднина за сите апликации и услугите за локација исто така може да бидат ограничени.
01. Одете во „Грижа на уредот“ во „Поставувања“.
02. Допрете „Батерија“.
03. Допрете го прекинувачот за да вклучите 'Штедење енергија'.
Вклучете го режимот „Штедење енергија“ на вашиот Galaxy часовник (преглед од телефонот)
01. Отворете ја „апликацијата Galaxy Wearable“.
02. Допрете „Поставувања за часовник“.
03. Изберете „Грижа на уредот“.
04. Изберете „Батерија“.
05. Вклучете го прекинувачот за да вклучите „Штедење енергија“.
06. Режимот за „Штедење енергија" ќе биде вклучен и ќе се прикаже листа на засегнатите функции.
Вклучете го режимот за „Штедење енергија": (преглед од часовникот)
01. Повлечете надолу за да го отворите брзиот панел и допрете „Поставувања“.
02. Допрете „Батерија“.
03. Допрете го прекинувачот за да вклучите „Штедење енергија“.
04. Режимот „Штедење енергија“ ќе биде вклучен и ќе се прикаже листа на засегнатите функции.
Исчистете ги неупотребените апликации и функции
Проверете ги неупотребените апликации во „Потрошувачка на батерија“.
01. Одете во „Грижа на уредот“ во „Поставувања“.
02. Допрете „Батерија“.
03. Допрете „Види детали“.
04. Проверете ја потрошувачката на батерија по апликација и функција.
Деактивирајте ја автоматската синхронизација за апликациите што не бараат синхронизирање
01. Одете во „Сметки и резервна копија“ во „Поставувања“.
02. Допрете „Управувајте со сметките“.
03. Изберете ја вашата сметка „Samsung account“.
04. Допрете „Синхронизирај сметка“.
05. Проверете ја листата на апликации што можат да синхронизираат податоци, потоа исклучете ја синхронизацијата на податоци за истите апликации за да ја намалите потрошувачката на батеријата.
Исклучете го Bluetooth кога не го користите
Во брзиот панел, допрете ја иконата за Bluetooth за да го вклучите или исклучите.
Променете ги поставувањата за екранот
Исклучете го екранот со притискање на копчето за енергија кога не се користи уредот.
Поставете го „Гасење екран“ на краток интервал. Намалете ја осветленоста.
Колку е посветол екранот, толку е повисок соодносот за контраст, а тоа доведува до повисока потрошувачка на батеријата.
Продолжете го траењето на батеријата со користење тапета или тема со темна боја.
※ Имињата на менијата, патеките и распоредите на екранот може да се разликуваат во зависност од моделот на вашиот уред, софтверот или верзијата на апликацијата.
Контакт информации
Live chat
![Messenger]()
![Messenger]()
Сите уреди: Пон - Пет | 09-18ч
Мобилни уреди и ТВ: Пон - Пет | 00-24ч
WhatsApp поддршка
![WhatsApp]()
![WhatsApp]()
Пон - Пет | 09-18ч
Code to Open Chat Window
