Обезбедено со Knox
Безбедност. Запишана е во нашата ДНК.
Кога нешто ви значи, го штитите по секоја цена. За Samsung, безбедноста е централен дел од нашиот процес и дел од нашиот идентитет. Посветивме многу години на усовршување на нашата безбедносна платформа Knox за да овозможиме приватност на која може да ѝ верувате, во свет кој е неизвесен и полн со опасни закани и нарушувања на безбедноста. Нашите мобилни уреди се дизајнирани со врвна безбедност која започнува од самиот чип, така што твојот уред е обезбеден со Knox уште од моментот кога ќе го вклучиш.
Како што се развиваат заканите по безбедноста, така ќе се развиваме и ние. Постојано работиме на иновации за директно да се соочиме со предизвиците кои ги носи иднината. Бидејќи, без оглед на она што нѐ очекува, ние ќе бидеме подготвени да го заштитиме вашиот дигитален свет.
Заштити ги твоите лозинки со Samsung Pass
Секој човек е уникатен, а ние се погриживме нашите уреди да го знаат тоа. Со нашата иновативна технологија за биометриска автентикација, која вклучува препознавање на лице (Face Recognition) и ултразвучен скенер за отпечаток од прст (Ultrasonic Fingerprint), пристапот до твоите информации може да биде заштитен дури и ако уредот е изгубен или украден.
Со Samsung Pass, твоите индивидуални карактеристики ти овозможуваат лесно, брзо и безбедно да пристапуваш до важни податоци — како што се апликациите за твојата банка или е-пошта. Нема потреба да памтиш безброј кориснички имиња и лозинки.
- *Достапноста на функцијата за биометриска автентикација може да се разликува во зависност од уредот.
- *Достапните функции, карактеристики и компатибилни апликации за Samsung Pass може да бидат различни во различни земји поради регулаторни и законски разлики.
- *Опцијата Web log-in е достапна само во апликацијата Samsung Internet.
Личните податоци нека останат лични
со Secure Folder
Мобилните уреди станаа наши повеќенаменски алатки – паричник, телефонски именици, фотоалбуми, преносни компјутери. За уште поголема заштита на приватноста, Secure Folder создава посебен шифриран простор за складирање на твоите податоци, што значи дека само ти имаш пристап до најприватните делови од твојот телефон.
- *Достапноста на Secure Folder може да се разликува во зависност од уредот.
Заштити ги твоите здравствени податоци
Твоите здравствени податоци треба исто така да бидат безбедни. Апликацијата Samsung Health ти овозможува да водиш евиденција на метричките податоци во врска со твоето здравје, независно дали станува збор за диета, вежбање, спиење, тежина или општиот животен стил. Knox ги штити таквите лични здравствени податоци, бидејќи твоето здравје е само твоја грижа и ничија друга.
- *Карактеристиките на Samsung Health може да се разликуваат во зависност од уредот и земјата.
Обезбеди ги твоите конекции
За секојдневно пребарување, Secure Wi-Fi го шифрира излезниот интернет сообраќај и оневозможува следење на апликации и веб-локации. Оваа опција ти овозможува безбедно да пребаруваш на интернет преку јавни безжични конекции, без да се плашиш од нарушување на безбедноста.
- *Достапноста на функцијата Secure Wi-Fi може да се разликува во зависност од земјата, носачот или мрежната средина и може да не ја поддржуваат сите мобилни уреди на Samsung. Употребата на Secure Wi-Fi може да подлежи на давачки.
Води сметка за твојот смартфон
Твојот смартфон е важен дел од твојот живот, но сепак ти си само човек. Во случај на загуба или кражба, услугата Find My Mobile ти овозможува да го лоцираш твојот смартфон, да ги заштитиш податоците зачувани на уредот на Samsung Cloud, да го заклучиш екранот и дури да го блокираш пристапот до Samsung Pay со помош на далечинско управување. И ако е потребно, можеш и да ги избришеш сите податоци зачувани на уредот.
- *Достапноста на услугата Find My Mobile може да се разликува во зависност од уредот и/или оперативниот систем.
- *За користење на услугата Find My Mobile:
- 1) Треба да ја поставиш твојата Samsung корисничка сметка на уредот.
- 2) Треба да му дозволиш на Google да ги собира информациите за твојата локација и да се согласиш со условите за Користење на безжични мрежи.
Вградена повеќеслојна безбедност за заштита
За повеќеслојна безбедност, Knox интегрира хардвер и софтвер кои заедно овозможуваат високо ниво на заштита на податоците, штитејќи ги твоите најчувствителни информации од злонамерни софтвери и закани. Подолу разгледај ги четирите главни компоненти на нашата безбедносна платформа Knox.
- Производство кое започнува од чипови сѐ до мобилни уреди
- Samsung може да ги дизајнира, креира и потврди сите компјутерски чипови, инсталации и хардверски компоненти пред да ги користи за производство на мобилни уреди во фабрики со високо ниво на безбедност низ целиот свет. Контролата на дизајнот, производството и склопувањето обезбедува безбеден синџир на набавка и краен производ на кој може да му веруваш.
- Шифрирање на податоци
- Платформата Knox ги шифрира твоите податоци за да не бидат изложени или незаштитени, дури и во случај на кражба или загуба. Твоите податоци се шифрирани и кога уредот е исклучен и нема да бидат дешифрирани освен ако ти не сакаш да ги отклучиш.
- Изолирање на податоци
- Нашите Samsung мобилни уреди ги дизајниравме со изолирање на податоци, вградено во секоја компонента. Тоа е двојно заклучување на твоите чувствителни податоци, што значи дека дури и ако некој успее да влезе во твојот телефон, единствената личност која има вистински пристап си ти.
- Заштита за време на оперативен режим
- Заштита за време на оперативен режим значи дека твојот Samsung мобилен уред секогаш работи со заштита од напади и злонамерни софтвери. Секој неовластен или ненамерен обид за пристап до или промена во централниот дел на твоиот телефон, јадрото, се блокира во реално време, цело време.
Испробано од владини агенции и експерти за безбедност низ целиот свет
Безбедносната платформа Knox е испробана од владини организации каде е неопходно високо ниво на безбедност. Knox ја предводи индустријата за безбедност на мобилни телефони со глобални владини сертификати за безбедност.
„Висока“
Платформата Knox доби оценка „висока“ во 27 од 30 категории во извештајот на Gartner од мај 2019 година, “Мобилни оперативни системи и безбедност на уреди: споредба на платформи”
Samsung има постојана соработка со меѓународни регулаторни тела со цел да исполни широк опсег на барања за сертификација кои се воспоставени за заштита на националните интереси, јавната безбедност и приватноста на потрошувачите.
Низ мобилните уреди на Samsung
Многу телефони, таблети и носиви електронски уреди на Samsung се направени во платформата Samsung Knox која е вградена во нивната архитектура, овозможувајќи заштита и за потрошувачките и за деловните уреди на Samsung.
Нашето решение за повеќеслојна безбедност работи и со Android и со Tizen оперативните системи, така што секој уред има активна заштита од моментот на вклучување.
Наш приоритет е да го заштитиме она што е најважно.
Затоа, ќе ја прошириме технологијата Knox во екосистем од безбедносни решенија, која покрај мобилни телефони, ќе вклучува и мрежни поврзувања како 5G и IoT крајни точки и опрема.
Исто така, безбедносната платформа Knox ја правиме да биде поинтелигентна за да може да предвидува идни закани преку собирање информации од тековниот уред и користење на мрежата за да произведе автоматски конфигуратори, извештаи за настани и справување со закани. Нашата цел е постојано да се развиваме и да бидеме еден чекор понапред од безбедносните ризици, чувајќи ги твоите податоци безбедни во свет кој е постојано поврзан на мрежата.
-
Добиј повеќе информации за Политиката за приватност на Samsung.